İzzət Bağırovun necə illərdi gizlətdiyi övladları üzə çıxdı

Müğənni İzzət Bağırov hər zaman mediadan gizlətdiyi övladları ilə ilk dəfə fotokamera  qarşısına keçib. Fotosessiya etdirən  sənətçinin hətta əkiz oğlanları olduğu ortaya

    Müğənni İzzət Bağırov hər zaman mediadan gizlətdiyi övladları ilə ilk dəfə fotokamera  qarşısına keçib. Fotosessiya etdirən  sənətçinin hətta əkiz oğlanları olduğu ortaya çıxıb. Böyük oğlu Əlidən danışan İ.Bağırov övladları ilə çox vaxt keçirdiyini bildirib: “Böyük oğlum Əli mənə daha çox bağlıdır. Getdiyim bir çox yerə onu da aparıram, mənsiz qala bilmir. Onunla ata-oğuldan çox, dost olmağa çalışıram. Övladlarıma yaşayan insanların adını verməyi xoşlamıram. Neçə illərdir, ibadətlə məşğul oluram. Buna görə də oğlanlarıma imamlarımızın, dini adamların ismini vermişəm. Uşaqları da adlarına layiq böyütməyə çalışıram”.

    Əməkdar artist Lalə Məmmədova bir ay əvvəl dünyaya gələn qızına ad qoyub. Müğənni açıqlamasında balaca körpəsinə Çinarə adını verdiyini deyib: “Çinarə sevdiyim ad idi. Ümumiyyətlə, mən çinar adını, ağacını hər zaman xoşlamışam və deyirdim ki, övladım olsa, bu adı verəcəyəm. Qızım da gözəl əməlləri ilə adını hər zaman çinar kimi ucaltsın”. Dünən L.Məmmədovanın böyük qızı Nərgizin ad günü olub. Müğənni bu günü yalnız ailəsi ilə birlikdə qeyd etdiyini bildirib: “Hava qarlıdır, evdən çıxa bilmirəm. Həm adətlərimizə görə, ana olan qadın 40 gün evdə olmalıdır. Buna görə də ad gününü evdə, ailəmizlə birlikdə qeyd etmək qərarına gəldik. Heç ona hədiyyə də ala bilmədim. Buzlar əriyəndən sonra qızımla alış-verişə çıxıb istədiyi hər şeyi alacağıq”. 

    Müğənni Sevda Yahyayeva və Elçin Cəfərovun birlikdə layihə hazırladıqları ilə bağlı xəbər vermişdik. Cütlük bu layihənin yeni duetdən ibarət olduğunu bildirib. Onlar “Səni sevirəm” adlı mahnını birlikdə təqdim edəcəklər. Bəstənin sözləri Azər Şirinə, musiqisi Elçin Cəfərova, aranjimanı isə Tərlan Məmmədhüseynova aiddir.Elçin və Sevda ötən gün studiyaya girərək həmin bəstəni səsləndirib. Onlar yaxın günlərdə mahnını dinləyicilərin ixtiyarına verəcəklərini bildiriblər.

    Məlum səbəblərdən gündəmdən uzaqlaşan müğənni Ayan Babakişiyeva şou-biznesdən söz açıb. Axşam.az-ın məlumatına görə, bir müddətdir bu aləmi kənardan izləyən sənətçi fərqliliyin olmamasından şikayətlənib:“Bu aləmdə məni artıq heç nə təəccübləndirə bilmir. Fərqlilik yoxdur. Bunun üçün hərdən şou-biznesdən uzaqlaşmaq daha yaxşıdır. Məsələn, Aygün Kazımova hərdən geri çəkilir, gündəmdən uzaqlaşır. Hamı da maraqlanır ki, görəsən, nə olub? Hər kəs onun sükutu necə pozacağını səbirsizliklə gözləyir. Sənətə ara vermək hər bir ifaçıya lazımdır, amma gərək dönüşü daha möhtəşəm edəsən. Mən də bu cür edəcəyəm. Hazırda yoxam, efirlərə çıxmıram, uzaqlaşmışam. Amma yaradıcı işlərimlə məşğul oluram. Geri dönüşüm möhtəşəm olacaq”.

 

Fuad Oqtayoğlu

 

Muz-Tv.az