Aygün Kazımova Türkiyəyə niyə getdi?

Hazırda Türkiyədə olan Aygün Kazımova Sinan Akçılla yeni duet hazırlayır. Onun qonşu ölkəyə getmə səbəbi də elə bununla bağlıdır. Artıq Aygünün və Sinanın...

   Hazırda Türkiyədə olan Aygün Kazımova Sinan Akçılla yeni duet hazırlayır. Onun qonşu ölkəyə getmə səbəbi də elə bununla bağlıdır. Artıq Aygünün və Sinanın “Fark atıyor” mahnısının  yekun işləri gedir.

   Müğənni Sevinc Musayeva Türkiyə şou-biznesinə qatılacaq. Axşam.az-ın məlumatına görə, sənətçi orada fəaliyyət göstərən “Akkaya production”un rəhbəri Hakan Akkayadan təklif alıb. Sevincin mahnısını bəyənən türkiyəli prodüser onu öz ölkəsində tanıdacağını bildirib. O, “Facebook” sosial şəbəkəsindəki profilində Sevincin xalq artisti Aygün Kazımovadan sonra qardaş ölkədə tanınacaq ikinci azərbaycanlı olacağını vurğulayıb: “Azərbaycan musiqi dünyasında öndə gələn adlardan biri – Sevinc Musayeva ilə birlikdə yeni layihələrə imza atacağıq. Aygün Kazımovadan sonra Türkiyədə Sevincin də yüksək yerlərə qalxacağına inanıram”. Təəssüratlarını bizimlə bölüşən Sevinc bu təklifin gözlənilməz olduğunu bildirib:  “Yalvarma” mahnımın ilk versiyasını Hakkan Akkaya dinləmişdi və bəyəndiyini bildirmişdi. Amma işin bu qədər ciddiləşəcəyinə əmin deyildim. Mənə təklif göndərdi. Bunun üzərində düşünürəm. Yaxın günlərdə İstanbula yola düşəcəm”.

    Fatimə Fətəliyevanın yeni layihə üzərinə çalışdığını xəbər vermişdik. Layihədə 15 məşhur sima bir araya gələcək. Yeni layihənin məşqləri artıq başlayıb. Fatimə ötən gün müğənni Ramal İsrafilov, Günay İbrahimli və Nicat Məhərrəmova hind rəqsi öyrədib. İfaçılar fotolarını sosial şəbəkədə yerləşdiriblər. Qeyd edək ki, sözügedən layihədə əməkdar artist Almaz Ələsgərli, müğənni Ramal İsrafilov, Könül Kərimova, Nadir Qafarzadə, Roza Zərgərli, Sevda Yahyayeva, Günay İbrahimli, Rəqsanə İsmayılova, Xəyyam Nisanov, Namiq Qaraçuxurlu, yumorist Rafael və Coşqun, Olimpiya çempionu Elnur Məmmədli, prodüser Tolik və başqaları iştirak edəcək.

 

Fuad Oqtayoğlu

 

Muz-Tv.az