Rəqqasə onu qınayanlara cavab verdi

Rəqqasə Oksana Rəsulova süni yolla uşaq dünyaya gətirdiyi üçün onu qınayanlara cavab verib.

Muztv.az xəbər verir ki, sənətçi sosial media səhifəsində bu üsulla dünyaya göz açan uşaqların atasız olmadığını deyib: "İllərdir, Azərbaycanda sonsuzluğa qarşı olan, övlad həsrəti ilə yaşayan insanlar üçün heç bir müalicə kömək etmədiyi halda - XXI əsrin öndə gedən tibb proseduru süni mayalanmadır. Hal hazırda qadın sonsuzluğu ilə bərabər kişi sonsuzluğu da geniş yayaılıb və bir çox ailələr məhz süni mayalanma üçün həkimlərə müraciət edirlər. Yəni, demək istəyirəm ki, süni mayalanmadan olan uşaq bəzilərinin başa düşdüyü kimi atasız olmur, hər bir uşağın atası var. Vay o günə ki, uşaq atası yanında ola-ola atasız qalsın, belə şeylərdən qorxun, yazın, danışın ki, olmasın! Ona görə də "Süni mayalanmadan olan uşaq atasızdır" kimi fikirlər söyləməyin, günahdır, körpələrin haqqına girməyin. Süni mayalanma nikahlı ailələrə də edilir! Göydə Allah, yerdə isə peşakar həkimlər...Təbii ki, yanında olan, sənə ürək-dirək verən ailən. Allah arzularınıza və saf niyyətlərinizə çatdırsın".

Xatırladaq ki, Oksana illərdir ana olmaq istəyirdi. O, bu istəyinə süni mayalanma yolu ilə nail ola bilib. Onun oğlu dünyaya gəlib.