Müğənni Günay İbrahimlinin doğum günüdür

Müğənni Günay İbrahimlinin doğum günüdür. Sənətçi 1991-ci ildə anadan olub. 23 yaşını qeyd edən Günay sənətə ilk addımlarını “Yeni ulduz” müsabiqəsində atıb. 

    Müğənni Günay İbrahimlinin doğum günüdür. Sənətçi 1991-ci ildə anadan olub. 23 yaşını qeyd edən Günay sənətə ilk addımlarını “Yeni ulduz” müsabiqəsində atıb. Bir çox mahnılar ifa edən müğənninin ən sevilən ifası “De onun adı nədir?” adlanır. “Ola bilərdin”, “Özümdə sənsən”, “Mən sənə inanırdım” kimi mahnıları da hitə çevrilib. Sənətçi ilk solo konsertini ötən ilin sentyabrında verib və tədbir böyük səs-küy doğurub.

    Bir çox mahnıların müəllifi olan bəstəkar-müğənni Pərviz Mahmudov bəstələrindən söz açıb. Axşam.az-ın məlumatına görə, sənətçi bütün mahnılarının hit olmasının sirrini açıb: “Elə ilk yazdığım mahnı hit oldu. Düşünürəm ki, kompozisiyanın hit olması ürəklə və hisslərlə bağlıdır. Yəqin dinləyicilər mənim ruhumu bəyənir. Həm də ən əsası mahnını müğənninin səsinə uyğun verirəm”. Qeyd edək ki, Günay İbrahimlinin ifasında “Səndən öncə, səndən sonra”, “İzlər” kimi mahnıları sevilən Pərviz sənətçi ilə yeni işbirliyi qurub. Onların bu yaxınlarda işıq üzü görən “Ola bilərdin” mahnısına klip çəkiləcək. Bununla yanaşı,  Mahmudov və İbrahimli yaxın aylarda daha bir yaradıcı yeniliyə imza atacaqlar. Xatırladaq ki, xalq artisti Aygün Kazımovanın “Alışdırma”, “Gəl, bax, gör”, Röyanın “Bəlkə də”, “Son görüş”, Sevda Yəhyayevanın “Buz kimi”, “O zaman”, “De mənə”, “Sən”, “Saxta” kimi mahnıların müəllifi də Pərviz Mahmudovdur.

   Meyxanaçı Vüqar Abdulov yeni tamaşa üzərində çalışır. Uzun müddətdir rejissorluqla məşğul olan Vüqar Bakı Estrada Teatrında fəaliyyət göstərir. Meyxanaçının yeni tamaşası martın 1-i və 2-də baş tutacaq. “Olur belə şeylər” adlı yumoristik tamaşa Aktyorlar evində nümayiş olunacaq.

   Müğənni Nadir Qafarzadə sosial şəbəkədə maraqlı fotosunu paylaşıb. Sənətçinin taxma bığla çəkdirdiyi şəkil maraqla qarşılanıb. O, fotonun altında artıq qocaldığını qeyd edib: “Dünya məni qocaltdı. Üç gündən sonra 43 yaşım tamam olur”.

 

Sahilə Aslanova

 

Muz-Tv.az