Castin Timberleyk təmizlik xəstəsi çıxdı

İlk dəfə Türkiyədə konsert verməyə hazırlaşan Castin Timberleykin İstanbulda qalacağı 3 gün üçün maraqlı istəklərinin olduğu söylənilib. Ulduzun əsl təmizlik xəstəsi...

  İlk dəfə Türkiyədə konsert verməyə hazırlaşan Castin Timberleykin İstanbulda qalacağı 3 gün üçün maraqlı istəklərinin olduğu söylənilib. Ulduzun əsl təmizlik xəstəsi olduğu bildirilib. Castin liftə tək minmək, qapı dəstəklərinin daim dezinfeksiya edilməsi, qalacağı otelin bir mərtəbəsinin sadəcə onun üçün ayrılması kimi istəklərini dilə gətirib. Bundan başqa, Timberleyk kondisioner filtlərinin dəyişdirilməsi, istiliyin 22 dərəcədə sabitləşdirilməsi, onun üçün bir idman salonu və kompüter oyunu otağı hazırlanmasını də tələb edib.

   Yeni albomunu təqdim etməyə hazırlaşan türkiyəli müğənni Dəniz Səki 15 kilo arıqlayıb. Alış-veriş mərkəzlərinin birində sevgilisi Faruk Salmanla kameralara tuş gələn sənətçi görünüşü ilə ətrafdakıların diqqətini cəlb edib. Təqdimatdan əvvəl fotolarının çəkilməsini istəməyən Səkinin jurnalistləri görəndə kefinin pozulduğu da nəzərdən qaçmayıb. Sualları cavabsız qoyan müğənni albom çıxana qədər danışmayacağını söyləyib.

  Hollivud ulduzu Klint İstvud professional qolf turnirinin açılış mərasimdində pendirdən boğulan bir insanın həyatını xilas edib. Zərərçəkən Stiv Con hadisəni belə şərh edib: “Qəfildən boğulmağa başladım. İstvud arxadan məni qucaqlayaraq bərk silkələdi. Çox dəhşətli hadisə idi”. Istvudun sözlərinə görə isə, ilk dəfə belə bir praktikası olub. Aktyor, Conun üzündə bütün həyatı gözünün qabağından keçən insan ifadəsini gördüyünü də sözlərinə əlavə edib.

   50 yaşlı aktyor Conni Depp nişanlısı Ember Herd üçün hər şey etməyə hazırdır. Belə ki, sevgilisinə iri brilyant qaşlı üzük hədiyyə edən ulduz indi də İngiltərənin cənub-qərbində böyük malikanə alıb. 12 yataq və səkkiz vanna otağı olan və Somerset qraflığında yerləşən qəsr 13 milyon dəyərindədir. Xatırladaq ki, cütlük 2010-cu ildə “Rom gündəliyi” filminin çəkilişləri zamanı tanış olub. 27 yaşlı aktrisaya görə Depp iki övladının anası olan Vanessa Paradidən ayrılıb.

 

Sahilə Aslanova

 

Muz-Tv.az