Məşhur Hollivud ulduzları ailə həyatı qurmağa hazırlaşırlar

Evlilik təkliflərini daim rədd etməsi ilə tanınan Şarliz Teron fikrini dəyişdirib.  Belə ki, ulduz hələ 5 aydır birlikdə olduğu aktyor Şon Pennlə ailə həyatı qurmağa hazırlaşır. 

    Evlilik təkliflərini daim rədd etməsi ilə tanınan Şarliz Teron fikrini dəyişdirib.  Belə ki, ulduz hələ 5 aydır birlikdə olduğu aktyor Şon Pennlə ailə həyatı qurmağa hazırlaşır. Terona yaxın bir mənbə: “Son bir neçə həftədir evlilik haqqında ciddi düşünürlər. Yeganə arzusu ana olmaqdır.  2012-ci ildə bir körpə övladlığa götürərək bu istəyini qismən reallaşdırmışdı. “Onu başqa heç nə evliliyə məcbur edə bilməz”- deyə fikirləşirdik. Amma Şarliz Şonun sevgisindən və oğluna qarşı mehriban davranışından çox təsirlənib” – deyə açıqlama verib.

    Danimarkalı model Nina Aqdalın Hollivud ulduzu Leonardo Di Kaprio ilə münasibəti ona baha başa gəlib. Belə ki, ulduz gecə klublarından birində məhşur aktyorla səhərədək əylənib. Tərəflər klubu ayrılıqda tərk etsə də, paparatsilərdən qaça bilməyiblər. Nəticədə Ninanın 3 ay birlikdə olduğu sevgilisi, model Maks Corc onu tərk edib. Qeyd edək ki, Leonardo Di Kaprio Nina Aqdalla daha əvvəl sevgili olub.

    Türkiyəli müğənni Sibel Can Sevgililər Günü üçün xüsusi hazırlanan albomunu satışa çıxaracaq. Musiqi toplusunda 12 mahnı yer alıb. Sibel Can uzun müddət üzərində çalışdığı albomunu “Qalata” adlandırıb. Bir çox məşhur bəstəkarın öz əsərləri ilə dəstək verdiyi musiqi toplusunda Halil Sezainin “Qalata”, Berksanın “Narsist”, Sezen Aksunun “Şükran” və Sərdar Ortacın “Nəhayət” mahnıları xüsusilə diqqət çəkib. Albom fevralın 14-də təqdim ediləcək.

    Barbadoslu müğənni Rihanna 3 il əvvəl sevgili olduğu Dreyklə birlikdə görüntülənib. Los Ancelesdə bir gecə klubundan çıxarkən kameralara tuş gələn keçmiş aşiqlərin yenidən birlikdə olduqları iddia edilib. Amma bəzi mənbələrin verdiyi məlumata görə, Rihanna hələ də Kris Braunu unuda bilmir. Xatırladaq ki, Krislə Dreyk daha əvvəl bir barda Rihannaya görə dalaşmışdılar və bu hadisə uzun müddət medianın gündəmini zəbt etmişdi.

 

Sahilə Aslanova

 

Muz-Tv.az