Yunus Əmrəyə həsr olunmuş filmin qala gecəsi keçiriləcək

Nizami Kino Mərkəzində “Yunus Əmrə-Eşqin səsi” filminin Qala gecəsi keçiriləcək. 

    Nizami Kino Mərkəzində “Yunus Əmrə-Eşqin səsi” filminin Qala gecəsi keçiriləcək. “Qafqazinfo”nun məlumatına görə, fevralın 13–də  nümayiş ediləcək ekran əsəri səkkiz əsir əvvəl yüksələn mənəviyyat memarı Yunus Əmrənin həyatından bəhs edir. Üç ilə çəkilən film Anadolunun dörd mövsümünün rənglərini əks etdirir. Bir çox məşhurların iştirak etdiyi filmin rejissoru daha əvvəl “Mövlanə -Eşqin Dansı”nı çəkən Kürşat Kızbazdı. Yunus Əmrə obrazını əvvəldə tarixi şəxsiyyətlərin obrazını yaratmış aktyor Devrim Evin canlandırıb. Həmçinin, filmdə Burak Sergen, Altan Erkekli, Altan Gördüm, Ahmet Mekin iştirak ediblər. qala gecəsində çəkiliş komandasından əlavə, Türkiyənin Azərbaycandakı səfirliyinin, Azərbaycan Mədəniyyət və Turizm Nazirliyinin əməkdaşları qatılacaqlar.

   Xalq artisti Aygün Kazımova Amerika prezidenti Barak Obama və müğənni Beyons haqda çıxan sevgi iddialarına münasibət bildirib. Axşam.az-ın məlumatına görə, müğənni bununla bağlı xəbəri İnstaqram səhifəsində paylaşaraq:  “Çox həvəsləndim. Bu il mütləq aşiq olacağam” - yazıb.

   Türkiyəli müğənni Murad Boz martda Bakıda verəcəyi konsertdən bəhs edib. Ilk dəfə Azərbaycana gələcək sənətçi həyəcanlı olduğunu bildirib: “Martın 17-si və 18-də Bakıda səhnəyə çıxacağam. Çox həyəcanlıyam. İlk dəfə orada canlı konsert verəcəyəm. Bütün sevənlərimi həmin gecəyə dəvət edirəm”. Qeyd edək ki, Murad Bozun konserti Heydər Əliyev Sarayında baş tutacaq.

    Müğənnilər Aslan Hüseynov və Günay İbrahimli arasında gərgin anlar yaşanıb. Günay konsertində geyindiyi açıq-saçıq libaslardan utanmadığını və söz-söhbətlərin onu peşman etmədiyini deyib: “Mən elə açıq paltar geyindiyim üçün peşman deyiləm. O geyimlərimdən hələ də danışılır. Heç vaxt açıq geyinməmişdim, ona görə də konsertdəki paltarlar hamını təəccübləndirdi. Bu isə məni narahat etmir. Şəhərə çıxıb baxsalar, dəhşətə gələrlər. Elə libaslardan gündəlik həyatda istifadə edirlər ki, mənim konsert geyimim ondan yaxşıdır”.  Aslan Hüseynov isə Günayın bu sözlərinə qarşı çıxıb.  “Yaxşısı budur, sən o geyimlərinə görə peşman ol. Çünki sənin gözəl səsin var. Sənə açıq-saçıq libaslarla reklam olunmaq lazım deyil. Neynirsən soyunmağı?” –deyə Aslan bildirib.

 

Sahilə Aslanova

 

Muz-Tv.az