Məryəm Üzərli ana oldu

“Möhtəşəm yüz il” serialının ulduzu Məryəm Üzərli ana olub. Aktrisa xəbəri Facebook səhifəsindən paylaşıb. 

   “Möhtəşəm yüz il” serialının ulduzu Məryəm Üzərli ana olub. Aktrisa xəbəri Facebook səhifəsindən paylaşıb. “Bu dünyaya xoş gəldin, sevimli Lara Üzərli! Fevralın 2-si 2014-cü ildə dünyaya gəldin. Allaha o qədər təşəkkür edirəm ki! Ən yaxım dostum olan anam yanımda idi. Bütün ailəmə, dostlarıma və sizə təşəkkür edirəm” –deyə Məryəm həyəcanını və sevincini heyranları ilə bölüşüb.

    Müğənni Castin Biber İnstaqramdakı adını səssiz-sədasız dəyişərək “Bizzle” edib. Heyranları ulduzun bu addımından çox kədərləniblər. Qərb mediası sənətçinin musiqi tərzini dəyişdiyini iddia edib. Castinin bir neçə gün əvvəl P Diddi, Rik Ross, Cermayn Dupri kimi məşhur repçilərlə görüşməsi bu şayiələri daha da gücləndirib.

    Üçüncü dəfə ana olmağa hazırlaşan Qven Stefanı yeni doğulacaq oğlu üçün parti təşkil edib. Los Ancelesdə otellərin birində təşkil olunan gecədə Cessika Alba, Nikol Riççi kimi məşhurlar da iştirak edib. Stefani partidə təqdim edilən şirniyyatların fotolarını İnstagramda paylaşaraq heyranlarını sevindirib. Xatırladaq ki, Stefani və həyat yoldaşı Qavin Rossdeylin hazırda Kinqston və Zuma adlı daha iki oğlu var.

    Türkiyəli aktyor, model Kıvanç Tatlıtuğun baş rol ifaçısı olduğu "Kurt Seyit və Şura" serialının yayımlanacağı tarix məlum olub. Teleserial ilk dəfə martın 4-də Star TV-də efirə gedəcək. Qeyd edək ki, "Kurt Seyt və Şura" Rusiyada bolşevik inqilabı zamanı İstanbula gələn krım türkü ilə türkiyəli gənc qızın sevgisindən bəhs edir. Serialda Tatlıtuğun tərəf müqabili aktrisa Farah Zeynəb Abdullahdır.

 

Sahilə Aslanova

 

Muz-Tv.az