Müğənninin konserti təxirə salınıb

Müğənni Nurlan Növrəslinin fevralın 14-də, saat 19:00-da Heydər Əliyev Sarayında verəcəyi konsert təxirə salınıb. 

   Müğənni Nurlan Növrəslinin fevralın 14-də, saat 19:00-da Heydər Əliyev Sarayında verəcəyi konsert təxirə salınıb. Axşam.az xəbər verir ki, buna səbəb ifaçının səhhətində yaranan problemlərdir.  Alınan biletlər geri qaytarılır. Xatırladaq ki, Nurlan bu konserti səhnəyə gəlişinin 10 illiyinə həsr edəcəyini söyləmişdi. Biletlərin qiyməti 10-100 manat aralığında idi.

   Xalq artisti Zülfiyyə Xanbabayeva bir müddətdir fasilə verdiyi yaradıcılıq işlərinə yenidən başlayıb. Müğənni yeni mahnı təqdim etməyə hazırlaşır. “Gənc bəstəkarlarımıza müraciət edəcəm. Onlardan biri də müğənni Elçin Cəfərovdur. Onun ifasını çox bəyənirəm. Günün nəbzini tutmağı bacarır. Mahnılarını dinləyirəm” - deyə Xanbabayeva bildirib.

   Xalq artisti Brilliant Dadaşova yeni fotosessiya etdirib. Sözügedən fotolarda müğənni sehirli pəri obrazındadır. Dadaşovanın bu şəkilləri reklam siması olduğu şirkət tərəfindən lentə alınıb. Xalq artistinin rol aldığı reklam çarxı yaxın günlərdə telekanallarda yayımlanacaq.

   Xalq artisti Alim Qasımovun qızı Fərqanə Qasımova solo konsert verəcək.  Muğam ifaçısının konserti fevralın 28-də Heydər Əliyev Sarayında baş tutacaq. Konsertə biletlərin qiyməti 15-100 manat arasıdır. Qeyd edək ki, Qasımova 1996-cı ildən atası ilə birlikdə səhnəyə çıxır, konsertlərdə iştirak edir. O, dünyanın bir çox yerində keçirilən konsertlərdə Alim Qasımovla eyni səhnəni paylaşıb.

 

Sahilə Aslanova

 

Muz-Tv.az