"Bu şəhərdə" yeni tamaşa hazırlayır

Əməkdar artist Rafael İsgəndərov "Bu şəhərdə"nin yeni tamaşasından danışıb. 

Muztv.az xəbər verir ki, aktyor hazırda məşq etdiklərini söyləyib: "Hamısı yeni səhnəciklərdir. Bircə "Toy" səhnəmiz qalıb. Bir çox verilişləri parodiya edəcəyik. Bir də gəlin-qayınana səhnəmiz var. Hər il konsertə hazırlaşanda karifeylərə zəng edib, ofisimizə çağırırq. Onlara senarini göstərib razılıq alırıq. Hələ bizə etiraz edən olmayıb".

R.İsgəndərov üçüncüsü çəkilən "Məhəllə" filmindən bəhs edib. Bundan əvvəlki bölümlərdə Qüdrət obrazını canlandıran aktyor qarşı tərəfdən dəvət almadığını deyib: "Filmdə nə Qüdrət, nə Tofiq (aktyor Coşqun Rəhimov) olmayacaq. Yəni nə mən, nə Coşqun dəvət almamışıq. Təklif olunsa da, razılaşmayacaqdıq".

"Bu, bir vaxtlar aranızda baş verən qalmaqala görədir" sualına aktyor belə cavab verib: "Hamınız hər şeyi bilirsiniz. Amma heç aramızda belə böyük qalmaqal da yaşanmayıb".
 
O, "Bu şəhərdə"nin də film çəkmək arzusunda olduğunu bildirib: "Gələcəkdə olacaq. Amma hələ başımız qastrol səfərlərinə qarışıb".

Xatırladaq ki, "Məhəllə" filmini Tahir və Cabir İmanov qardaşları çəkir. (Axşam.az)