Arif Quliyev "pul yığma" xəbərini təkzib etdi

Xalq artisti Arif Quliyev xərçəngdən əziyyət çəkən Əməkdar artist Tünzalə Əliyeva üçün şirkətlərdən pul yığması ilə bağlı yayılan xəbəri təkzib edib.

Muztv.az xəbər verir ki, aktyor heç vaxt belə addım atmadığını söyləyib: "Kimin ağılına nə gəldi yayır. Aktyor aktyora hansı imkanla kömək etsin? Bir dəfə Tünzaləyə zəng etdim, verilişdə yanına gedib dəstək oldum. Mən şirkətlərdən hansı haqla pul yığa bilərəm ki? Belə bir şey etməmişəm, etmərəm də".

Xatırladaq ki, yerli mətbuatda A.Quliyevin şirkət rəhbərlərindən Tünzalə üçün pul yığma xəbəri yayılmışdı.