Cennifer Lopez cazibədar rəqsi ilə hər kəsi heyran etdi

Bu yay Braziliyada keçiriləcək futbol üzrə Dünya Çempionatının rəsmi himninin klip çəkilişləri başlanıb.  

    Bu yay Braziliyada keçiriləcək futbol üzrə Dünya Çempionatının rəsmi himninin klip çəkilişləri başlanıb.  Məşhur müğənni Cennifer Lopez, braziliyalı ifaçı Klaudia Leytte və repçi Pitbullun ifa etdiyi "We Are One" mahnısının ekran işi Amerikanın Florida ştatında lentə alınır. Klip Braziliya adətlərini səciyyələndirən karnaval ab-havasında çəkilir. Qeyd edək ki, "We Are One" mahnısı portuqal və ingilis dillərində ifa edilib.

    Ağır iş rejimindən sonra amerikalı sənətçilər Beyons və həyat yoldaşı Cey Zi Dominikanda istirahət edirlər. Müğənni tətildə çəkdirdiyi fotoları sosial şəbəkədə paylaşıb. Şəkillərdən göründüyü kimi cütlük istirahətə qızları Blu Ayvi olmadan gedib. Qərb mətbuatı Beyons və Cey Zinin sözügedən ölkədə əyləncəli anlar yaşadıqlarını qeyd edib. Bütün tətil ərzində cütlüyü bir neçə cangüdən müşayiət edib.

    “Variety” jurnalının fevral sayının üz qabığını yaraşıqlı aktyor Leonardo Di Kaprio bəzəyib. Həmçinin ulduz çəkiliş meydançasında baş verənlər  haqqında da maraqlı müsahibə verib. 39 yaşlı aktyor heçvaxt məşhur olacağını düşünmədiyini söyləyib. Leonardo “Uoll Strit canavarı” filminə çəkilərkən qeyri-standartşəxsiyyəti canlandıracağını bildiyini söyləyib.

     Müğənni Pətək Dinçöz fiziki qüsurlu şəxslər üçün təşkil edilən gecədə dərin kürək dekolteli geyimi ilə diqqət çəkib. Belə mərasimlərin önəmindən danışan sənətçi “Hər zaman fiziki qüsurlu şəxslərin yanındayam” –deyib. Tədbirə sevgilisi Abdullah Daşqın olmadan qatılan Dinçöz evlənmə təklifi almadığı xəbərləri ilə bağlı suallara “Menecerim deyir ki, ancaq albom çıxarandan sonra evlənə bilərsən. Ona görə tələsmirik” – deyə cavab verib.

 

Sahilə Aslanova

 

Muz-Tv.az