Xalq artisti Nisə Qasımova 60 yaşını qeyd edir

Xalq artisti Nisə Qasımova 60 yaşını qeyd edir. Sənətçi doğum gününü ailə üzvləri ilə birgə qeyd edəcək. Nisə xanım özəl günü münasibətilə fotosessiya etdirdiyini...

   Xalq artisti Nisə Qasımova 60 yaşını qeyd edir. Sənətçi doğum gününü ailə üzvləri ilə birgə qeyd edəcək. Nisə xanım özəl günü münasibətilə fotosessiya etdirdiyini bildirib: "Heç vaxt bu günü qeyd etməmişəm. Amma bu dəfə yubileyim olduğu üçün özümə hədiyyə etməyə qərar verdim. Fotolar vasitəsilə özümə illər sonra bir də baxmaq istədim. Nəticə ürəyimcə oldu". Qeyd edək ki, Nisə Qasımova 1954-cü ildə Bakıda anadan olub.

  Məşhur repçi ElşadXose yaradıcılığında verdiyi uzun fasilədən sonra yeni sinqlını təqdim edib. Sənətçi həmçinin bu yaxınlarda konsert də verməyə hazırlaşır. Daha bir neçə layihəsi olan repçinin Nağd Pul ləqəbli Nadirlə birgə ifa etdiyi “Düz danış” mahnısı artıq radio dalğalarında yayımlanmağa başlayıb.  Qeyd edək ki, trekin prodüseri Nəğd Pulun özüdür.

   Müğənni Elton Hüseynəliyev üçmərtəbəli villa tikdirir. Axşam.az-ın məlumatına görə, sənətçi bu barədə özü məlumat verib. Onun sözlərinə görə, yeni mənzili üçün həyat yoldaşının ideyası əsasında fərqli dizayn hazırlanıb: "Həyət evimi söküb yenidən tikdirirəm. İlk mərtəbədə böyük zal, ikincidə otaqlar, üçüncüdə isə məşq edə biləcəyim məkan düzəldiləcək". Elton həmçinin bildirib ki, özünə yeni orkestr yaradıb: “Hazırda onlarla məşq edirik. Verilişlərə orkestrımla qatılıb, canlı ifa təqdim edəcəyəm. Eyni zamanda solo konsertimin hazırlıqlarına başlamışam”.

   Müğənni Könül Kərimova özünü xoşbəxt hiss edir. Sənətçi bunu gözəlliyi ilə bağlayıb: “Əgər bu gün gözəl görünə bilirəmsə, deyib-gülürəmsə, niyə də xoşbəxt olmayım. Əlbəttə, xoşbəxtəm”.  Kərimova mediada yayılan müflişləşmə xəbərlərinə də aydınlıq gətirib: “Bu yalanları kim yayır, bilmirəm. Mən heç müflisləşən adama oxşayıram? Allah göstərməsin”.

 

Sahilə Aslanova

 

Muz-Tv.az