Şou əhlinin Sevgililər günü

İfaçı-bəstəkar Emin Ağalarov övladları ilə yeni fotosunu İnstaqram səhifəsində paylaşıb. Axşam.az-ın məlumatına görə, ifaçı Sevgililər gününü ailəsi ilə keçirdiyini...

   İfaçı-bəstəkar Emin Ağalarov övladları ilə yeni fotosunu İnstaqram səhifəsində paylaşıb. Axşam.az-ın məlumatına görə, ifaçı Sevgililər gününü ailəsi ilə keçirdiyini bildirib. O, oğlanları ilə fotosuna “Mənim Valentinlərim gəldi” sözlərini əlavə edib.

   Müğənni Xatirə İslamın həyat yoldaşı Sevgililər günündə ona üzük hədiyyə edib.Sənətçi bu barədə təəssüratlarını Axşam.az-ın əməkdaşı ilə bölüşüb: “Həyat yoldaşım özəl bayramlara önəm vermir. Dünən də deyir ki, sevginin bayramı olmur, bizə hər gün özəldir. Amma buna baxmayaraq məni təbrik etdi. Çiçək dəstəsi və üzük hədiyyə aldı. Mənimsə ona hədiyyə seçməyə vaxtım olmadı. Dedim ki, bunun əvəzini gələn il çıxacağam”.

   Müğənni Rəqsanə İsmayılova Sevgililər gününü İstanbulda qeyd edib. Axşam.az-ın məlumatına görə, sənətçi qardaş ölkəyə hər zaman mediadan gizlətdiyi həyat yoldaşı ilə birlikdə yollanıb. Rəqsanə həyat yoldaşı ilə əl-ələ tutaraq çəkdirdiyi fotoları İnstaqram səhifəsində paylaşıb.

  Rus estradasının tanınmış simalarından olan müğənni Valeriya apreldə Bakının qonağı olacaq. Sənətçi ayın 17-də Heydər Əliyev Sarayında konsert verəcək. Həmin gün eyni zamanda müğənninin ad günüdür. Valeriyanı səhnədə Üzeyir Hacıbəyov adına Azərbaycan Dövlət Simfonik orkestrı və Xor Kapellası müşayiət edəcək.

 

Sərvər Mehdiyev

 

Muz-Tv.az