“Ümumdünya Xərçəng Günü” münasibəti ilə xeyriyyə konserti keçirildi

Fevralın 15-də paytaxtın məşhur alış-veriş mərkəzlərindən birində “Ümumdünya Xərçəng Günü” münasibəti ilə xeyriyyə konserti keçirilib.

    Fevralın 15-də paytaxtın məşhur alış-veriş mərkəzlərindən birində “Ümumdünya Xərçəng Günü” münasibəti ilə xeyriyyə konserti keçirilib. Leykimiya xəstəliyinə tutulmuş körpələrin müalicəsi üçün vəsaitin toplandığı mərasimdə ilk olaraq “Leykimiya ilə Mübarizə” İctimai Birliyinin sədri Mehriban Bağırova suallarımızı cavablandırıb.

   Tədbirdə şirniyyatlar və digər əl işlərinin satışa çıxarıldığı gözümüzdən qaçmayıb. Mehriban xanım bu barədə də məlumat verib. Mərasimdə ilk olaraq söz alan aparıcı leykimiya xəstəliyi haqqında söz açıb.

    Daha sonra balaca körpələrdən ibarət rəqs qrupu öz musiqi nömrələrini tamaşaçılara təqdim ediblər. Bir-birinin ardında səhnəyə təşrif buyuran sənətçilər də öz musiqi töhfələri ilə hər kəsi seviniblər.

    Qeyd edək ki, mərasim“Leykimiya ilə Mübarizə” İctimai Birliyinin və umid.az saytının birgə təşəbbüsü ilə baş tutub.

 

Sahilə Aslanova

Bəxtiyar Nəsirov

 

Muz-Tv.az