Əməkdar artist: "Çox arıqlamamışam"

Əməkdar artist Dilarə Əliyeva son günlər arıqlığının çox müzakirə edildiyini söyləyib.

Muztv.az xəbər verir ki, o, açıqlamasında o qədər də çox çəki atmadığını deyib: "Ümumilikdə 7 kiloqram çəki atmışam. Əslində həmişə olduğumdan artıq çəkidə görünürdüm. İndi idmanla məşğul olduğum üçün bədənim yığılıb".

D.Əliyeva yeni çəkildiyi filmlərdən bəhs edib: "Qarşıda iki yeni film var. “Məhəllə 3”ə çəkilirəm. Daha sonra “Əfsanə qayıdır” filmi var. İkisinin də çəkilişləri davam edir. “Əfsanə qayıdır” filmində obrazım Əfsanədir. Həqiqətən çox gülməlidir. Gözəl bir iş olacaq. Tərəf müqabillərim Elxan Yunis, Nicat Rəhimov və Fərda Xudaverdiyevdir.“Məhəllə” Eliş və Roşkanın hekayəsi idi. Bizim xarakterlər orada köməkçi vasitələrdir. Bu dəfə elə yazılıb ki, Qüdrətin xarakteri yox idi. “Məhəbbət” tamaşaçıları şok edəcək. Gözlənilməz bir xarakter də var. İnsanları sözün əsl mənasında çaşdıracaq".

Əməkdar artist nışanlı olan qızının dekabrda toyu olacağını da bildirib.