“Oskar” mükafatlı rejissor Bakıda

“28 Cinema”da Azərbaycan Mədəniyyət və Turizm Nazirliyinin təşkilatçılığı ilə Rus filmləri həftəsinə start verilib.

    “28 Cinema”da Azərbaycan Mədəniyyət və Turizm Nazirliyinin təşkilatçılığı ilə Rus filmləri həftəsinə start verilib. Açılış mərasimindən əvvəl keçirilən mətbuat konfransına Rusiyanın Azərbaycandakı səfiri Vladimir Doroxin, “Oskar” mükafatı laureatı, Rusiyanın xalq artisti Vladimir Menşov da qatılıblar. Bakıda böyüdüyünü və yenidən burada olduğu üçün böyük şərəf hissi keçirdiyini söyləyən rejissor paytaxtımızın onun üçün çox doğma, insanlarının isə əziz olduğunu vurğulayıb.

    Daha sonra festivalın rəsmi açılış mərasimi keçirilib. Rusiyanın Azərbaycandakı səfiri Vladimir Doroxin söz alaraq hər kəsi bu özəl gün münasibətilə təbrik edib. Vladimir Menşov da öz növbəsində festivalın birinci günündə məhz onun rejissorluq etdiiyi “Məhəbbət və göyərçinlər” filminin nümayişindən duyduğu məmnunluğu dilə gətirib.

    Mərasimin sonunda kinomanlar “Məhəbbət və göyərçinlər” filmini izləyiblər. Qeyd edək ki, “Mosfilm”in 90 illiyinə həsr olunan festival fevralın 20-dən 25-dək davam edəcək. Filmləri izləmək istəyənlər biletləri pulsuz əldə edə bilərlər.

 

Sahilə Aslanova

Ramal Gülməmmədov

 

Muz-Tv.az