Dünyaşöhrətli ulduz ikinci dəfə ana olacaq

Bir həftə əvvəl nişanlandığını elan edən dünyaşöhrətli müğənni Kristina Agilera indi də hamilə olduğunu söyləyib. 

   Bir həftə əvvəl nişanlandığını elan edən dünyaşöhrətli müğənni Kristina Agilera indi də hamilə olduğunu söyləyib. Xatırladaq ki, sevgililər günündə bu özəl xəbəri heyranları ilə bölüşən müğənninin ilk övladı Maks 2008-ci ildə dünyaya gəlib. Bundan əlavə, Kristina 2013-cü ildə ən çox hamiləlikdən sonrakı kilolarından qurtulması ilə gündəmə gəlmişdi.

   Məşhur Hollivud ulduzu Ceyson Stethem evlənməyə hazırlaşır. 46 yaşlı aktyor özündən iyirmi yaş kiçik model sevgilisi Rozi Hantinqton-Uaytli ilə ailə quracaq. Nikah mərasimi yayın əvvəlində baş tutacaq. Ceyson və Rozinin Los Ancelesdə yaşamasına baxmayaraq, toy Böyük Britaniyada reallaşacaq. Buna səbəb gəlinin valideynlərinin orada yaşamasıdır. Qeyd edək ki, dörd ildir birlikdə olan sevgililər “Cachella” festivalında tanış olublar.

   Müğənni Keti Perri yeni klipini təqdim edib. Artıq Youtube saytında yayımlanan video çarx  “Dark horse” adlanır. Ifaçı ekran işində Kleopatra obrazını canlandırıb. Rəngarəng səhnələri ilə sevilən klip əyləncəli tərzdə çəkilib. Video çarx artıq 2 milyon insan tərəfindən izlənilib.

  “Oskar” mükafatı laureatı  Cennifer Lourensin “Dior” firması ilə əməkdaşlığı davam edir. Sözügedən modalar evi ulduzun yer aldığı sayca üçüncü reklam kampaniyasına start verib. Bu dəfə aktrisa brendin çantalarını tanıdacaq.  23 yaşlı Cenniferin kampaniya çərçivəsində nəzərdə tutulan fotosessiyasını isə əfsanəvi fotoqraf Patrik Demarşelye reallaşdırıb. Ulduzun “Dior”-un atelyesinə gedərək özünə “Oskar” mükafatlandırma mərasimi üçün libas seçdiyi video çarxlar isə fevralın son həftəsində yayımlanacaq.

 

Sahilə Aslanova

 

Muz-Tv.az