Mayli Sayrus valideynlərin qəzəbinə tuş gəldi
Son illər qalmaqallarla gündəmdən düşməyən Mayli Sayrus bu dəfə də valideynlərin qəzəbinə tuş gəlib.
Son illər qalmaqallarla gündəmdən düşməyən Mayli Sayrus bu dəfə də valideynlərin qəzəbinə tuş gəlib. “BANGERZ” adlı turnesində geyimləri, rəqsləri ilə söz-söhbətə səbəb olan Sayrusun şousunda açıq-saçıq səhnələrin yer alması valideynləri narahat edib. “Huffington Post”da yer alan xəbərə görə, 21 yaşlı Sayrusun menecerlərinə şikayət ismarıcları yağıb. İddialara görə, Maylinin heyranlarından biri “9 yaşlı uşağımın porno izləməsini istəmədiyim üçün konsertdən tez çıxdım” ifadələrini işlədib.
Bir müddətəvvəl Fransa prezidenti Fransua Hollanddan ədəbiyyat və sənət nişanı alan Candan Erçetin sözügedən ölkə ilə əlaqələrini genişləndirmək fikrindədir. Belə ki, məşhur müğənni daim gedib-gəldiyi, təhsilinin və yaşamının böyük bir qismini keçirdiyi Parisdən özünə mənzil alıb.
Məşhur aktyor Kənan İmirzalıoğlu Cihangirdə yerləşən evinə girərkən kameralara tuş gəlib. “Twitter”ə görə evdən çölə çıxa bilmədiyini söyləyən ulduz: “Hara gedirəmsə hamının əlində bir mobil telefon, şəkillərimi çəkirlər. Dərhal Twitterdə yayımlayırlar. Gizlənə bildiyim bir yer varsa, o da evimdir. Xahiş edirəm evimin önündə çəkməyin məni” –deyə şikayət edib.
Aktrisa və müğənni Cennifer Lopes öz qeyri-adi geyimi ilə yenə gündəmi zəbt edə bilib. Belə ki, qatıldığı bir mərasimdə ulduzun geyindiyi qısa, dərin kürək dekolteli qara paltarı diqqət cəlb edib. Libas Lopesin qüsursuz bədən quruluşunu xüsusilə vurğulayıb. Ulduz dəbli geyimini sadə makiyajı ilə tamamlayıb. Bu obrazda Cennifer Lopez “American İdol” teleşousuna qatılıb.
Sahilə Aslanova
Muz-Tv.az