Nurgül Yeşilçay oğluna görə 2,5 milyonundan oldu

Türkiyəli aktrisa Nurgül Yeşilçay İstanbulun Bəbək səmtində yerləşən evindən köçüb. Sənətçi Ortaköydə yaşıllıq içində olan ərazidə yeni mənzil alıb. 

    Türkiyəli aktrisa Nurgül Yeşilçay İstanbulun Bəbək səmtində yerləşən evindən köçüb. Sənətçi Ortaköydə yaşıllıq içində olan ərazidə yeni mənzil alıb. Nurgülün bu qərarı 9 yaşlı oğlu Osman Nejata görə verdiyi məlum olub. "Uşaq yola baxan evdə kompüterlə oynamaqdan birtəhər olacaqdı. İndi çöldə dostları ilə oynayar. Uşaqlar üçün yaşıllıqdan gözəl məkan yoxdur". Nurgül yeni evini 2,5 milyon lirəyə alıb.

    Hollivud ulduzu Keti Perri sevgilisi, musiqiçi Con Mayerdən ayrılıb. Bu xəbəri “E!Online” saytına cütlüyün yaxın dostu verib. Ayrılığın səbəbi açıqlanmasa da, Ketinin bu günlərdə Milan və Londona tək getdiyi dəqiqləşib. İngilis mediası onların 2013-cü ilin ən yaxşı cütlüyü olduğunu və evlənəcəklərinə ümid etdiklərini vurğulayıb. Qeyd edək ki, ulduz 2010-cu ildə aktyor Russel Brandla nikah masasına oturmuşdu. 2012-ci ildə Russeldən boşanan dünya ulduzu Con Mayerlə münasibət qurmuşdu.

    Kanadalı müğənni Castin Biberin Atlantadakı Bakhed bölgəsində 11 milyon dollar dəyərində bir malikanə alması məhəllə sakinləri tərəfindən etirazla qarşılanıb. Bu yaxınlarda “Broken” adlı sinqlını təqdim edən Castin Biber bundan sonra qalmaqal xəbərləri ilə deyil, musiqisi ilə gündəmə gələcəyini söyləyib. Ancaq son dövrdə ard-arda həbs olunan gənc sənətçiyə etirazlar artmağa başlayıb.

    Türkiyəli sənətçilər Kənan Doğulu və Beren Saat evlənəcəkləri məkanı dəqiqləşdiriblər. Ulduzlar bu özəl günləri üçün tarixi Qalata qülləsini seçiblər. Cütlük məkanın zirvəsindəki restoranda reallaşacaq nikahı təşkil etməsi üçün məşhur bir firma ilə razılaşıb. Xatırladaq ki, sevgililər aprel ayının ikinci həftəsində ailə həyatı quracaq.

 

Sahilə Aslanova

 

Muz-Tv.az