Aygün imicini dəyişib bu hala düşdü
Xalq artisti Aygün Kazımova türkiyəli prodüser Samsun Demirlə bir araya gəlib. Axşam.az-ın məlumatına görə, müğənni yenicə işbirliyinə başladığı DMC musiqi...
Xalq artisti Aygün Kazımova türkiyəli prodüser Samsun Demirlə bir araya gəlib. Axşam.az-ın məlumatına görə, müğənni yenicə işbirliyinə başladığı DMC musiqi şirkətinin tanınmış simalarından olan Demirlə yeni layihələr üzərində çalışır. A.Kazımova layihələrin yaxın günlərdə təqdim ediləcəyini vurğulayıb: “Sayılı günlər qalıb. Tarixini deyə bilmərəm”. Qeyd edək ki, Aygün Kazımova budəfəki səfəri zamanı imicində də dəyişiklik edib. Xalq artisti qısa saçlarını uzadaraq sarı rəngə boyayıb
Müğənni Günay İbrahimli “ Ola bilərdin” klipinə fərqli təqdimat keçirəcək. Sənətçi ekran işinə canlı yayımda mətbuat konfransı edəcək. Belə ki, Günay bu klipini ilk dəfə telekanalların birində canlı yayımda nümayiş etdirəcək. Sənətçi media nümayəndələrini də oraya dəvət edəcək. Qeyd edək ki, “Ola bilərdin” mahnısının musiqisi Pərviz Mahmudova, sözləri Leyli İsrafilovaya aiddir. Ekran işinin rejissoru Rza Əsgərovdur. Klipdə Günayın stili üzərində Elnur Həsənov çalışıb. Ekran işi Qobustanda lentə alınıb.
Əməkdar artist Almaz Ələsgərli rəqqasə Fatimə Fətəliyevanın layihəsinə qatılmadığı üçün peşman olub. Müğənni vaxtı məşqlərə getməyə vaxt tapmadığını deyib: “Bir dəfə məşqə gedə bilmədim. İkinci dəfə Fatimə zəng edəndə toyda idim, cavab vermədim. Sonradan isə özüm onu yığmağa utandım. O layihədə olmağı çox istəyərdim. Bəhs edəndə xoşum gəlmişdi. Yenidən zəng edəcəyəm, əgər klip çəkilməyibsə, qatılmaq istədiyimi bildirəcəyəm”.
Müğənni-bəstəkar Ramal İsrafilov “Biletini alma” mahnısını həmkarı Günay İbrahimli ilə birlikdə duet şəklində oxuyub. Sənətçi Pərvin Lətifovun restoranının açılış mərasimində bir araya gələn ifaçılar qonaqları təəccübləndirib. Piano arxasına keçən Ramal “Biletini alma” bəstəsini ifa edib. Günay da mikrofonu götürərək ona qoşulub. Qeyd edək ki, bəsətnin müəllifi Ramal özüdür. Mahnını ilk olaraq xalq artisti Aygün Kazımova ifa edib. Daha sonra Ramal onu səsləndirərərk klip çəkdirib.
Fuad Oqtayoğlu
Muz-Tv.az