Afaq Bəşirqızı sənət adamlarını qınadı

Xalq artisti Afaq Bəşirqızı qalmaqallı açıqlaması ilə diqqət çəkib.

Muztv.az xəbər verir ki, televerilişlərin birində qonaq olan aktrisa sənət adamlarının özünü xəstəliyi, şəxsi həyatı ilə reklam etməsini qınayıb: "Tamaşaçı ailəmi, hansı xəstəlikdən əziyyət çəkdiyimi bilməməlidir. Niyə mənim daxilimi tamaşaçı tanımalıdır? Buna görə də tamaşaçı efirdə baxanda deyir ki, yazıq ölür, xəstədi. Ya da deyir filankəsin adamıdır. Demir, səsi, sənəti var. 15-16-20 il əvvəl oynadığın müvvəffəqiyətli rolun kölgəsində ömrünün axırına qədər istər sənət aləmində, istər Allahın sənə verdiyi ömür yolunda onunla başa vurmaq, öz ayaqqabının səsi ilə səhnəyə çıxmaq və səhnədən onunla enmək - bu sənətkarın ölüm fərmanıdır".

Aktrisa 83 yaşlı anası Rəfiqə xanımdan da danışıb: "Anamın üzündə bir dənə qırış yoxdur. 83 yaşı var. Bizdə genetikdir, 50 yaşından sonra cavanlaşırıq. Anam kosmetika, rəng, boya tanımır".

Xatırladaq ki, bu günlərdə əməkdar artist Tünzalə Əliyeva xəstəliyi ilə gündəmə gəlmişdi. Onune firdə yardım istəməsi sosial şəbəkədə qınanılmışdı.