Emin Ağalarov yeni klipini təqdim etdi

Müğənni-bəstəkar Emin Ağalarov “Ya luçşe vsex jivu”adlı mahnısına çəkdirdiyi klipi təqdim edib.

    Müğənni-bəstəkar Emin Ağalarov “Ya luçşe vsex jivu”adlı mahnısına çəkdirdiyi klipi təqdim edib. Axşam.az-ın məlumatına görə, klip üzərində məşhur rejissor Aleksandr Solohonun yaradıcı komandası çalışıb. Ekran işinin operatoru Maksim Osadçidir. Qeyd edək ki, “Ya luçşe vsex jivu” mahnısı Eminin rus dilində oxuduğu mahnıların yer aldığı “Na krayu” albomuna daxildir.

   “Böyük səhnə” mahnı müsabiqəsinin qalibi müəyyənləşib. Kiyevdə baş tutan final gecəsində qalib caz ifaçısı Dilarə Kazımova olub. Bu haqda İnstaqram sosial şəbəkəsində məlumat verilib.  Qeyd edək ki, müsabiqədə qalib olan Dilarə Kazımova bu il Danimarkanın Kopenhagen şəhərində baş tutacaq “Avroviziya” beynəlxalq mahnı müsabiqəsində ölkəmizi təmsil edəcək. Dilarə Kazımova “Milk and Kisses” qrupunun keçmiş üzvü və “Yeni Dalğa 2010” müsabiqəsinin laureatıdır.

     Müğənni Xumar Qədimovanın adından İnstaqram foto-paylaşım şəbəkəsində saxta profil yaradılıb. Sənətçi açıqlamasında deyib ki, o, heç bir sosial mediadan istifadə etmir: “Bir çoxları mənə və bacıma zəng edib “İnstaqramda sən özünsənmi” sualını verirdi. Son günlər isə bu suallar durmadan artır. Nəhayət, qərara gəldim ki, mətbuata açıqlama verim. Mən heç bir sosial şəbəkənin istifadəçisi deyiləm. Bir neçə il əvvəl eyni problemlə “Facebook”da rastlaşmışdım. Bir daha demək istəyirəm ki, mən nə “Facebook”, nə də İnstaqramda yoxam. O kimdirsə mənim adımdan istifadə edir".

     Rəqqasə Oksana Rəsulova mükafata layiq görülüb. Sənətçi “İlin işgüzar xanımı” seçilib. Sədaqət Rəşidqızının təşkilatçılığı ilə keçirilən gecədə bir çox müğənnilər də müxtəlif nominasiyalar üzrə mükafatlandırılıb.

 

Sahilə Aslanova

 

Muz-Tv.az