Səbinə Babayeva Alim Qasımova mahnı bəstələdi

Müğənni Səbinə Babayeva son vaxtlar bəstəkarlıq fəaliyyəti ilə gündəmə gəlir. Axşam.az-ın məlumatına görə, sənətçi on yeni mahnı yazıb. 

   Müğənni Səbinə Babayeva son vaxtlar bəstəkarlıq fəaliyyəti ilə gündəmə gəlir. Axşam.az-ın məlumatına görə, sənətçi on yeni mahnı yazıb. O, açıqlamasında bunlardan dördünü özünün oxuyacağını deyib: "Qalanlarını isə həmkarlarıma verəcəyəm. İlk bəstəmi oxuyacaq ifaçı Alim Qasımov olacaq. Ona söz vermişəm”.

   Əməkdar artist Baloğlan Əşrəfov onun “Nədəndir” mahnısını oxuyan türkiyəli ifaçı Sərdar Ortacdan danışıb.  Müğənni təşkilatçıları qınayıb: “Sərdar Ortac Bakıya gəldi, mənim mahnımı oxuyub yüz min aldı. Təşkilatçı ona yüz mini rahatlıqla verir. Mən isə toya 5 minə gedirəm. Sərdarı Moskvada toya sırf “Nədəndir” mahnısına görə dəvət edirlər. Külli miqdarda da qonorar verirlər. Düzdür, mən Sərdara mahnının halallığını verdim. Amma mənim iradım təşkilatçılaradır. Öz müğənnilərimizə yox, xaricilərə pul tökürlər”.

   Rəqqasə Fatimə Fətəliyeva üç banka borcu olduğunu bildirib: “Sənətçilərin çox pul qazanmağından danışırlar. Amma onun xərcləri nəzərə alınmır. Mən rəqqasəyəm, əlavə biznesim – dekor evim və rəqs məktəbim var. Amma üç banka borcluyam. Kredit ödəyirəm. Rəqs geyimlərimə dünyanın pulunu xərcləyirəm. Evimdə bir otağım ancaq paltarla doludur. Onlarsız mən sənətçi deyiləm. Məni tanıyanlar da bilir ki, geyimlərim hər şeyimdir”.

   Müğənni Rəqsanə İsmayılova ötən gün Türkiyədə ilk klipinin çəkilişlərinə başlayıb.  Sənətçi çəkilişdən əvvəl media nümayəndələri ilə görüşüb. O, Türkiyədəki fəaliyyətindən, yeni klipindən söz açıb: “Azərbaycanda çox tanınmış bir ifaçıyam. İnanıram ki, Türkiyədə də ən az öz ölkəmdəki qədər seviləcəyəm. Sizdən bir istəyim var ki, bizim ölkədən Türkiyəyə gəlib tanınmaq istəyən müğənnilərə qucaq açasınız, onlara dəstək olasınız. Klip çəkilən mahnının sözləri və musiqisi özümə aiddir. Mən eyni zamanda bəstəkar kimi də fəaliyyət göstərirəm. Yeni bir mahnım var, musiqisi mənimdir. Onu burada çox sevdiyim ifaçı Selami Şahinə vermək istəyirəm”.  Ekran işinin rejissoru Teoman Topcu maraqlı iş ərsəyə gətirəcəklərini deyib:  “Çəkilişlərin bir hissəsi hovuzda baş tutacaq. Hovuzumuza 9 ton su doldurmuşuq. Bu bizə asan başa gəlmədi. İndi də onun isinməsini gözləyirik”.  Qeyd edək ki, ekran işində Türkiyədə fəaliyyət göstərən ispaniyalı aktyor və model Karlos Martin rol alıb.

 

Sahilə Aslanova

 

Muz-Tv.az