Selin Dionun həyat yoldaşı xərçəng xəstəliyinə tutulub

Dünyaca məşhur müğənni Selin Dion bədbəxt hadisə ilə üzləşib. Belə ki, ifaçının həyat yoldaşı xərçəng xəstəliyinə tutulub. 

   Dünyaca məşhur müğənni Selin Dion bədbəxt hadisə ilə üzləşib. Belə ki, ifaçının həyat yoldaşı xərçəng xəstəliyinə tutulub. Kanadalı müğənni bu səbəbdən son zamanlar ən önəmli tədbirlərə belə qatılmır. Selin Dionun “Oskar” mükafatlandırma mərasiminə getməməsinin də səbəbi bu olub. 72 yaşlı Rene Ancelil daha öncə əməliyyat keçirsə də, xəstəlikdən canını qurtara bilməyib. Müalicəni davam etdirən Rene bunun üçün istirahətə xüsusilə önəm verir. Xatırladaq ki, Selin Dionun həyat yoldaşı 1999-cu ildə də bu xəstəliklə mübarizə apararaq ona qalib gəlmişdi. Uzun müddətdən sonra onun boğazında yenidən şiş yaranıb.

   Cazibədar aktrisa Monika Belluççi “Dolce&Gabbana” brendinin yeni dodaq boyasının siması seçilib.  Reklam çarxında ulduz qeyri-adi gözəlliyi ilə hər kəsi heyran edib.  Cazibədarlığı ilə göz qamaşdıran Monika iki obraz canlandırıb. Birində aktrisa zərif və romantik, digərində isə dramatik rolda görünüb.

   “Chanel” brendinin kreativ direktoru Karl Laqerfeld yeni maraqlı kolleksiyasını təqdim edib. Parisdə Dəb Həftəsində reallaşan nümayişdə maraqlı anlar yaşanıb. 2014-cü ilin payız-qış kolleksiyası supermarketlərin birində dəbsevərlərin ixtiyarına verilib. Şounun iştirakçılarından olan Kara Delevayn, Rihanna, Venessa Paradi və Kira Naytli tamaşaçılara əyləncəli anlar yaşadıb.

   “Oskar”mükafatlandırma mərasimində “ən yaxşı aktyor” titulu qazanan aktyor Metyu Makkonahi bu münasibətlə dördüncü dəfə ata olmaq eşqinə düşüb. Mərasimdən sonra hər il ənənəvi olaraq keçirilən “afterparty”-yə qatılan ulduz: “Partidə çox qala bilməyəcəyik. Bundan sonra bizim yalnız bir planımız var. O da üç övladımıza daha bir qardaş gətirmək” – deyə bildirib.

 

Sahilə Aslanova

 

Muz-Tv.az