Ramal Oksananın cavabını verdi

Rəqqasə Oksana Rəsulova həmkarı Fatimə Fətəliyevanın yeni klipində müğənni Ramal İsrafilovun Şahrux Xan obrazı ilə bağlı açıqlama vermişdi.

   Rəqqasə Oksana Rəsulova həmkarı Fatimə Fətəliyevanın yeni klipində müğənni Ramal İsrafilovun Şahrux Xan obrazı ilə bağlı açıqlama vermişdi. Axşam.az-ın məlumatına görə, Oksananın “Ramala Şahrux Xan obrazını heç yaraşdırmadım. Onu heç bu imicdə görmürəm” sözlərinə qarşı tərəfdən cavab gəlib. Ramal açıqlamasında hər obrazın öhdəsindən rahatlıqla gələ biləcəyini iddia edib: “Şahrux Xan və ya başqa obrazı canlandırmaq mənim üçün çətin deyil. Bunu asanlıqla bacarıram”. Fatimə isə “Ramalda elə şirinlik var ki, heç Şahrux Xanda yoxdur” deyə əlavə edib.

   Müğənni Elvin Abdullayevin başına iş gəlib. Belə ki, sənətçi iki gün ard-arda avtomobil qəzası keçirib. Bu haqda Elvin məlumat verib: “2 gün ard-arda qəza ilə üzləşdim. Birinci gün mən kiminsə avtomobilini, ikinci gün isə kimsə mənim avtomobilimi vurdu. Çox ağır qəza olmadı. Ancaq 500 manat ziyana düşdüm. Səhhətimdə də hər şey yaxşıdır”. Qeyd edək ki, Elvin Abdullayev mart ayının 12-də ailə həyatı quracaq.

   Firuzə İbadovanın ad günündə Nisə Qasımovanın olmaması iki məşhur arasında problemlərin yaranmasına gətirib çıxarıb. Show.az-ın məlumatına görə, bütün söz-söhbətlərə aydınlıq gətirən Firuzə xanım xalq artistindən incidiyini qeyd edib: “Mən onu ad günümə dəvət elədim, o isə gəlmədi. Buna görə də, ondan incimişəm”.

   Bu yaxınlarda burun əməliyyatı keçirən müğənni Xatirə İslam imicində köklü dəyişiklik etmək qərarına gəlib. Saç rəngini, üz görünüşünü yeniləməklə yanaşı, sənətçi geyim tərzində də fərqliliyə üstünlük verəcək. Xatirə bundan sonra imicmeykerlə çalışacağını bildirib. Qeyd edək ki, müğənni açıqlamasında moda məsləhətçisi Elnarə Bəkirova ilə işləyəcəyini deyib.

 

Sahilə Aslanova

 

Muz-Tv.az