Rəqsanə Selami Şahinlə bir araya gəlib

Müğənni Rəqsanə İsmayılova türkiyəli sənətçi Selami Şahinlə görüşüb.Axşam.az-ın məlumatına görə, İstanbulda səhər yeməyi yeyən ifaçılar yaradıcılıqdan danışıblar. 

   Müğənni Rəqsanə İsmayılova türkiyəli sənətçi Selami Şahinlə görüşüb.Axşam.az-ın məlumatına görə, İstanbulda səhər yeməyi yeyən ifaçılar yaradıcılıqdan danışıblar. Rəqsanə türkiyəli müğənni ilə fotolarını paylaşaraq ona təriflər yağdırıb: “Selami Şahin, dəyərli insan. Bu da oldu. Birlikdə səhər yeməyinə getdik. Çox gözəl və sadə insandır. Azərbaycanı da çox sevir. Maraqlı söhbət keçdi. Şükür ki, gec də olsa, Allahım istədiyi hər şeyi mənə verir. Selami bəylə gözəl mahnı hazırlıqlarına başlayacağıq. Xeyirli-uğurlu olsun”.  Xatırladaq ki, Rəqsanə açıqlamasında öz bəstələdiyi mahnılardan birini Selami Şahinə hədiyyə edəcəyini demişdi.

   Müğənni Nadir Qafarzadə "Qarabağ" adlı mahnı ifa edib. Mahnının musiqisi Rauf Məmmədova məxsusdur. N. Qafarzadə bəstə ilə bağlı fikirlərini bölüşüb:"Nəhayət, xeyli müddətdir gözlədiyim “Qarabağ” mahnısı işıq üzü gördü. Bu günə qədər vətənpərvər mövzuda bir çox mahnılar ifa etmişəm. Amma məhz Qarabağa həsr etdiyim ilk mahnı budur. Düşünürəm ki, dinləyicilər bu ritmik mahnını bəyənəcək".

   Daha bir sənətçi-  əməkdar artist Abbas Bağırov da “Gəl” adlı yeni mahnısını təqdim edib. Bəstənin sözləri Rəşad Dağlıya, musiqisi Nazim Məmmədova məxsusdur. Mahnı Caner Tepecik tərəfindən aranjiman olunub. Bəstə Abbasın yeni albomunda yer alacaq.

    Müğənni Röya Ayxanın Türkiyəyə getməsi haqda xəbər vermişdik. Sənətçi türkiyəli müğənni Gülşən və aranjemançı Ozan Çolakoğlu bir araya gəlib. Buna səbəb onların hazırladıqları yeni layihədir. İfaçıların dueti tezliklə sevənlərinin ixtiyarına veriləcək. Bu ifa Röyanın üçüncü sinqlında yer alacaq. Müğənni iş prosesindən olan fotoları İnstaqram sosial şəbəkəsində paylaşıb.

 

 

Sərvər Mehdiyev

 

Muz-Tv.az