Sinəm Kobal dedi-qodulara cavab verdi

Türkiyəli aktrisa və model Sinəm Kobal haqqında yayılan şayiələrə münasibət bildirib. 

   Türkiyəli aktrisa və model Sinəm Kobal haqqında yayılan şayiələrə münasibət bildirib. Futbolçu Arda Turanın nişanlısı yerli telekanallardan birinə telefonla bağlanaraq yeni eşq macərası yaşaması barədə yayılan məlumatları təkzib edib: "Bu xəbər qətiyyən doğru deyil. Bir azdan təyyarəyə minəcəyəm. Ümumiyyətlə, şəxsi həyatımla bağlı heç zaman açıqlama vermirəm. Amma bunu bildirməyi vacib hesab etdim. Muradla aramızda heç bir yaxınlıqdan söhbət gedə bilməz".

Qeyd edək ki, Sinəm Kobalın 10 gün əvvəl tanış olduğu iş adamı Murad Akdoğanla münasibət qurduğu iddia edilirdi.

   “Victoria’s Secret”-in məşhur modellərindən Miranda Kerr çox yaxında Elvis Preslinin mahnısı ilə heyranlarını sevindirəcək. Avstraliyalı model ilk dəfə iki il əvvəl bir çay reklamında ifa edərək bu mövzuda da qabiliyyəti olduğunu göstərmişdi. Kerr “Jersey Shore” proqramı ilə tanınan Bobby Fox ilə birgə oxuduğu kompozisiya ilə istedadını bir daha sübut edib. Keçən il “Victoria Secret” şirkətindən ayrılan Kerr bunun bir karyera dəyişikliyi olmadığını söyləyib.
   Qalmaqallı müğənni Mayli Sayrus "Bangerz" turu çərçivəsində növbəti konsertini verib. Sənətçi Las Veqasda pərəstişkarları ilə görüşüb. Möhtəşəm səhnə şousu göstərən Sayrus geyimləri ilə də diqqət çəkib. Müğənni gecəboyu rəngarəng və açıq-saçıq libasları ilə tamaşaçıları coşdurub.

    Uzun illərdir küsülü olan, mediaya açıqlamalarında bir-birlərinin ünvanına xoşagəlməz ifadələr söyləyən Türkiyənin iki tanınmış sənətçisi Bülənt Ərsoy və Ajda Pekkan barışıb. İlk addımı isə Ərsoy atıb:  “Ajda çox böyük sənətkardır. Hirsləndiyim üçün onun ünvanına xoş olmayan sözlər demişdim. O, hələ də həvəskar müğənnilər kimi Ərdəm Siyavuşgildən dərs alır. Bu, bir nümunədir. Digər sənətçilər bunu özünə sığışdırmaz”. Məhz  Bülənt Ərsoyun bu açıqlamalarından sonra barışıq baş tutub.

 

Sahilə Aslanova

 

Muz-Tv.az