“Bu şəhərdə” kollektivi xanımlara “Qızıl Gül” hədiyyə etdi

Hər dəfə keçirdiyi konsertlərlə uzun müddət dillərdən düşməyən “Bu şəhərdə” kollektivi yenə heyranlarının hüzuruna gəlib.

    Hər dəfə keçirdiyi konsertlərlə uzun müddət dillərdən düşməyən “Bu şəhərdə” kollektivi yenə heyranlarının hüzuruna gəlib.Konsertlərinin daim anşlaqla keçməsinə alışdığımız komediya ustaları bu dəfə də ənənəsinə sadiq qalıb. Belə ki, Heydər Əliyev Sarayında iynə atsan yerə düşməzdi. Coşqun və Rafael həmişə olduğu kimi “Qızıl Gül” adlanan konserti musiqi nömrəsi ilə açıq elan edib.

    Daha sonra gecənin aparıcılıq missiyasını üzərinə götürən Nəsib Nur səhnəyə təşrif buyuraraq hər kəsi, xüsusilə xanımlarımızı bayramlar münasibəti ilə təbrik edib.

Cütlük səhnəciklər arasında verilən fasilələrdə  isə tamaşaçıları musiqi nömrələri ilə əyləndirib. 2 saat davam edən konsertdə “Bu şəhərdə” kollektivi bir-birindən komik səhnəcikləri ilə tamaşaçıları qəhqəhələrə boğublar.

    Qeyd edək ki, “Bu şəhərdə” kollektivi 12 günlük konsertlə yeni rekorda imza atmaq fikrindədirlər.

 

Sahilə Aslanova

Ramal Gülməmmədov

 

Muz-Tv.az