Ebru Polad ailə həyatı quracaq

Müğənni Ebru Polad ailə həyatı qurmağa hazırlaşır. Sevgilisindən ötən günlərin birində nişan üzüyü alan Polad hədiyyənin şəklini Twitter-də paylaşmışdı. 

   Müğənni Ebru Polad ailə həyatı qurmağa hazırlaşır. Sevgilisindən ötən günlərin birində nişan üzüyü alan Polad hədiyyənin şəklini Twitter-də paylaşmışdı. İfaçı sosial mediada böyük səs-küyə səbəb olan fotonun altına isə: “Həyatım boyunca barmağımda olacaq. İnsanı sevən, əsla aldatmayan güvəndiyi bir həyat yoldaşının olmasını hər kəsə arzulayıram” –  deyə qeyd edib.

   İngiltərə taxtının ikinci varisi olan Kembric şahzadəsi Uilyam və həyat yoldaşı Keytin 7 aylıq oğullarını nənə və babasının yanında qoyaraq Maldivlərə tətilə getməsi etirazlara səbəb olub. Cütlüyə Twitter və “Mumsnet”, “Netmums” kimi anaların toplaşdığı sosial şəbəkələrdən müxtəlif etiraz məktubları yağıb. İngilis “Classicalite” qəzetinin xəbərinə görə, 8 ay əvvəl ilk körpəsi Corcu dünyaya gətirən Keyt 3 aylıq hamilədir və bu dəfə qız övlad gözləyir. Xəbərdə cütlüyün bu şad xəbəri yalnız yaxın dostları ilə paylaşdığı bildirilir.

   Keçən il oktyabr ayında sevgilisi Andres Velenkosodan ayrılan avstraliyalı müğənni Kayli Minoq ən böyük qorxusunun tək qalmaq olduğunu etiraf edib. Fransız aktyor Oliver Martinez və model Ceyms Qudinq kimi məşhurlarla münasibəti olan Minoq “Yalnızlıq məni bədbəxt edir, yuxum qaçır” deyib.

   Müğənni Gülşən və Murad Bozun duet albomları bu yaxınlarda musiqisevərlərin ixtiyarına veriləcək. Ulduzlar birgə ifa etdikləri mahnını adının “İltimas” olduğunu söyləyib. Kompozisiyanın sözləri Gülşənə məxsusdur. Trekin aranjimanı isə Gülşənin sevgilisi Ozan Çolakoğluna aiddir.

 

Sahilə Aslanova

 

Muz-Tv.az