Emin Zükerberqlə birlikdə

İfaçı-bəstəkar Emin Ağalarovun “Facebook”un yaradıcısı Mark Zükerberqin bacısı ilə fotosu yayılıb. Axşam.az-ın məlumatına görə, ifaçı Randi Zükerberqlə çəkdirdiyi...

   İfaçı-bəstəkar Emin Ağalarovun “Facebook”un yaradıcısı Mark Zükerberqin bacısı ilə fotosu yayılıb. Axşam.az-ın məlumatına görə, ifaçı Randi Zükerberqlə çəkdirdiyi şəkli İnstaqram səhifəsində paylaşıb. O, fotonun yanına “Facebook”un dahi yaradıcısı Mark Zükerberqin bacısı Randi Zükerberqlə görüş. Onu görməyimə şad oldum” sözlərini yazıb.

   Xalq artisti Nazpəri Dostəliyeva yeni mahnısını təqdim edib. “De, harada” adlanan bəstənin sözləri Altay Yaşara, musiqisi isə Çiçək Həyata məxsusdur. N.Dostəliyeva yeni bəstəsinə klip çəkdirməyi planlaşdırır.

   Tanınmış aktyor İlham Qasımov ailə həyatı qurub. Toymərasimi yerli şadlıq sarayların birində baş tutub. Gecəyə şoumen Murad Dadaşov, aparıcı Tural Əsədov, həyat yoldaşı Gülgün Qurbanova, dicey Fateh və başqaları qatılıb. Qeyd edək ki, İlham Qasımov “Yuxu” filmində Əliabbas, “Məhəllə”də isə Ruslan obrazını canlandırıb.

    Gənc müğənni Zarina Məmmədova yeni klipini təqdim edib.Axşam.az-ın məlumatına görə,  “Bir acı” adlanan klip bu gündən etibarən Zarinanın rəsmi "Youtube" kanalında internet istifadəçilərinin ixtiyarına buraxılıb. Klipi məşhur türk rejissoru Kamal Başbuğ çəkib. Mahnının musiqisi Pərviz Mahmudova, sözləri Aygün İsmayılovaya, aranjiman isə Caner Tepecikə məxsusdur.Yeni layihəsindən razı qalan Zarina açıqlamasında belə deyir: “Həm mahnıdan, həm də klipdən çox razıyam. Yanında işini bilən adamlar varsa, deməli, hər şey yolundadır. Bu klipə çox əziyyət çəkdik. Nəticənin bu cür yaxşı alınması bütün yorğunluğumu çıxartdı.”

 

Sərvər Mehdiyev

 

Muz-Tv.az