Əməkdar artist anası ilə şəklini paylaşdı

Əməkdar artist Mehriban Xanlarova anası ilə fotosunu paylaşıb.

Mtv.az xəbər verir ki, aktrisa şəkli İnstaqram hesabında yerləşdirib.

M.Xanlarova paylaşımına bu sözləri yazıb: “Sən mənim nəfəsim, başımın tacısan. Gözəl, qayğıkeş, mərhəmətli, nur üzlü anam. Məni hamıdan çox tanıyan, hamıdan çox bilənsən. Məni, öpüb qucaqladığın an dərdlərimi yox edən tək varlıqsan. Səbrli, həssas, qoruyucu mələyimsən. Səni hamıdan, hər şeydən çox istəyirəm. Bu dünyada mənim anam olmağın məni ən şanslı övlada çevirir. Beynimdəki qəlbimdəki ən isti, ən mənalı və mənə ən yaxın sözdür ana. Bu həyatda mənim üçün birinci Allah, ikinci sənsən.Ana bu dünyadakı müqəddəs varlıqdır. Hər kəsin anası özünə əziz olduğu kimi, mənim anam da mənim üçün hamıdan əziz, önəmli və hər şeydən dəyərlidir. Necə deyərlər, anam bir yana, dünya bir yana. Onun tək bir sözünə, istəyinə görə hər şeyimi qurban verərəm, hətta xoşbəxtliyimi belə. Çünki mənim xoşbəxtliyim anamın qızı olaraq dünyaya göz açmağımdır. Onun gülüşünü, sevincini görmək mənim üçün bütün xoşbəxtliklərə əvəzdir.

Üzündəki təbəssümünün solmaması üçün əlimdən gələn və gəlməyən hər şeyi bacardığım qədərilə etməyə çalışıram. Allahıma min dəfə şükürlər olsun ki, mənim anamı sevindirməyim üçün yaradan mənə həyatda zamanla hər şeyi bəxş edir”.