Selena Qomez və Castin Biber yenidən birlikdə

Məşhur müğənni Selena Qomez və Castin Biberin yenidən birlikdə olması barədə xəbərlər yayılıb. Belə ki, Castin İnstaqram hesabında Selena ilə birgə videosunu...

    Məşhur müğənni Selena Qomez və Castin Biberin yenidən birlikdə olması barədə xəbərlər yayılıb. Belə ki, Castin İnstaqram hesabında Selena ilə birgə videosunu paylaşıb.  Görüntülərdə iki sənətçinin səmimi şəkildə rəqs etdiyi əks olunub. Bir saat ərzində 1 milyondan çox istifadəçinin "bəyəndiyi" görüntülər cütlüyün yenidən sevgili olması barədə ehtimalları artırıb. Bundan başqa, Castin Selenanın "Oskar" partisindən fotosunu yayımlayaraq "Dünyanın ən zərif şahzadəsi" sözlərini yazıb.

   “Möhtəşəm yüz il” serialının “Mehri Mah sultan”ı Pelin Karahan öz idman məşqçisi ilə sevgi münasibətləri yaşayır. Cütlüyün İstanbul Fashion Week-ə birlikdə qatılması iddianı gücləndirib.  Xatırladaq ki, bir müddət əvvəl Kiprdə səmimi şəkildə əylənərkən kameralara Gökhan Güntaşla tuş gələn Pelin “Hər şey yaxşıdır” deyərək şayiələri təsdiqləmişdi.

   Cennifer Lopez rəqqas Kasper Smartla 3 ildir birlikdə olmasına baxmayaraq, ailə qurmağa hazırlaşmır.  O, bir dəfə məyus olduğu üçün daha ərə getmək istəmir: “Keçmişdə sevgi mənim üçün həyatın mənası idi və əgər aşiq olurdumsa, düşünürdüm ki, bu, ömürlükdür. Amma indi mən belə yalanlarla özümü aldatmıram və hadisələrin sürətlə irəliləməsində maraqlı deyiləm”. Xatırladaq ki, Cennifer 3 dəfə ailəli olub.

   "Huzur sokağı" serialında "Bilal" rolunu oynayan müğənni Kutsi 8 ildir evli olduğu həyat yoldaşına xəyanət edib.  Belə ki, sənətçinin sözügedən serialda "Ülkər" xarakterini canlandıran Fevza Çipa ilə 4 aydan bəridir eşq yaşadığı iddia edilib. Kutsinin həftənin 3-4 gününü sevgilisinin evində qaldığı bildirilir.  O, Fevza Çipa ilə birlikdə çəkilmiş fotolarını İnstagramda paylaşaraq dedi-qoduları daha da qüvvətləndirib. Müğənninin həyat yoldaşı Sinem Bayraktutar:  "Bu günədək səbr edərək susdum. Kutsini sevirəm. Qızımızın atalı-analı böyüməsi üçün mübarizə aparıram" – deyə məsələyə münasibət bildirib.

 

Sahilə Aslanova

 

Muz-Tv.az