Sevda Yahyayeva: “Vaxtı gələndə o özü çıxıb münasibətimiz haqda danışacaq”

Müğənni Sevda Yahyayeva sevgilisi olduğunu etiraf edib. Axşam.az-ın məlumatına görə, sənətçi 8 ildir həmin şəxslə birlikdə olduğunu deyib. "Onu sevirəm.

   Müğənni Sevda Yahyayeva sevgilisi olduğunu etiraf edib. Axşam.az-ın məlumatına görə, sənətçi 8 ildir həmin şəxslə birlikdə olduğunu deyib. "Onu sevirəm. Hamıya da sevməyi məsləhət görürəm, gözəl hisslərdir. Vaxtı gələndə o özü çıxıb münasibətimiz haqda danışacaq". “Toy nə vaxtdır” sualına isə müğənninin cavabı belə olub: "Mən də gəlinlik geyinmək istəyirəm. Amma heç vaxt necə gəlin olacağımın xəyalını qurmamışam. Mən xəyallarla yaşamağı xoşlamıram. Tezliklə hər şey aydın olacaq”.

   Əməkdar artist Mətanət İsgəndərli "Danışmayacağam" adlı mahnısına çəkdirdiyi klipini təqdim edib. Sözləri Tağı Sadiqə, musiqisi Ruslan Səfəroğluna aid olan mahnının ekran işi rejissor Nail Naiboğluna həvalə edilib. Operatorluğunu Emin Hüseynovun etdiyi klip ilk dəfə "Zirvədəkilər" layihəsində təqdim olunub.

   Xalq artisti Brilliant Dadaşova qısqanclığından danışıb: “Mən çox qısqancam. Qısqananda maşınımı vurub əzirəm, əlimə keçən güzgünü qırıram. Qısqanclıq saf hisslərdir. Bu, bir sevgi əlamətidir. Təki hər kəsin həyatında qısqandığı bir şəxs olsun”.

   Əməkdar artist Sevda Ələkbərzadə yeni layihəsindən bəhs edib. Sənətçi bununla Azərbaycanda ilkə imza atacağını söyləyib: “Bu layihədəki ifam etnik-caz üslubunda olmayacaq. Mən sintezləri sevirəm. Əgər yenə etnik-caz oxusaydım, bunu heç vaxt yenilik adlandırmazdım. Hətta özümü belə təkrar etməyi xoşlamıram. Yeni bir üslubdur. Bu cür layihə Azərbaycanda hələ olmayıb. Xaricdə bir az oxşarı var. Onun üzərində yüzə yaxın musiqiçi üç il çalışıb. Hamı deyir, gecikirsən. Amma başa düşmürlər ki, bu, çox çətin layihədir. Üç il çalışmağa dəyərdi. Səs yazıları çətinliklə olurdu. Aprelin sonu, mayın əvvəllərində təqdim etməyi düşünürəm”.

 

Sahilə Aslanova

 

Muz-Tv.az