Hüseyn Dərya vəfat etdi

Yol qəzasına düşən tanınmış repçi Hüseyn Dərya vəfat edib. Bu barədə 3 saylı şəhər Klinik Xəstəxanasından bildirilib. Qeyd edək ki, ötən..

    Yol qəzasına düşən tanınmış repçi Hüseyn Dərya vəfat edib. Bu barədə 3 saylı şəhər Klinik Xəstəxanasından bildirilib. Qeyd edək ki, ötən gecə saat 23 radələrində Bakının Xəzər rayonu ərazisində yol nəqliyyat hadisəsi baş verib. Xəzər rayon Polis İdarəsindən verilən məlumata görə, repçinin idarə etdiyi 10 SB 575 dövlət nömrə nişanlı minik avtomobili onunla eyni istiqamətdə hərəkət edən KamAZ markalı maşına çırpılıb. Nəticədə ağır xəsarətlər alan Hüseyn Dərya 3 saylı Şəhər Klinik Xəstəxanasına yerləşdirilmişdi.

    Mərhumun yaxınları, fanatları xəstəxanaya toplaşıblar. Onların arasında Dəryanın 2 keçmiş həyat yoldaşı, qayınanası, oğlu və qızı da olub.  Mərhumun ilk həyat yoldaşının sözlərinə görə, repçi xəstəxanaya düşəndən, hətta ölüm xəbəri yayılandan sonra ailə üzvlərindən heç kim onun yanına gəlməyib.

    Mərhumun həmkarı Elşad Xose Hüseyn Dəryanın ölümündən üzüldüyünü bildirərək onun ailəsinə səbr diləyib: "Hamının başına gələ bilər. Amma gözləmirdim. Deməyə söz tapmıram. Allah rəhmət etsin".

    Qeyd edək ki, Hüseyn Dərya martın 16-da Bakıxanov qəsəbəsindəki qəbiristanlıqda dəfn edilib. Mərhumla vida mərasimi Yasamalda onun bacısının evində keçirilib. Mərasimə Hüseyn Dəryanın yaxınları, ailə üzvləri ilə yanaşı sənət dostları və həmkarları da qatılıb. Allah Rəhmət eləsin!

 

Sahilə Aslanova

 

Muz-Tv.az