43 yaşlı məşhur model ana olmaq eşqinə düşüb

43 yaşlı Naomi Kempbel ana olmaq eşqinə düşüb. Ingilis mətbuatından “Daily Mail”-in xəbərinə görə, məşhur model: “Bir övladımın olmasını arzulayıram. 

    43 yaşlı Naomi Kempbel ana olmaq eşqinə düşüb. Ingilis mətbuatından “Daily Mail”-in xəbərinə görə, məşhur model: “Bir övladımın olmasını arzulayıram. Bunun üçün yanımda kişinin olması vacib deyil. Özüm də uşaq böyüdə bilərəm” –deyib.  Xatırladaq ki, Naomi Kempbel keçən il rus iş adamı Vladimir Doronindən ayrılıb.

    Britni Spirs yenidən baxımsız halda paparazzilərin hədəfinə tuş gəlib. Hava limanında təhlükəsizlik nəzarətindən keçən ulduz saçlarını səliqəsiz halda toplayaraq hər kəsi təəccübləndirib. Makiyajsız və ev geyimi ilə küçəyə çıxan Britninin həmişəki cazibədar obrazından əsər-əlamət qalmayıb.

    Aktrisa Sara Cessika Parker Amerikanın keçmiş “Birinci xanım”ı Hillari Klintonun 2016-cı ildə prezident seçiləcəyi təqdirdə onun hətta ayaqlarını da yumağa hazır olduğunu söyləyib. “Demokrat partiya”sının ən öndə gələn dəstəkçilərindən olması ilə tanınan Parker: “Çantasını daşıdığıma, yorulanda ona bir boşqab şorba bişirdiyimə, sənədlərinin surətlərini çıxardığıma görə də xoşbəxt  ola bilərəm” –deyib.

    Mayamidə reallaşan bir dəfiləyə qonaq qismində qatılan model Keyt Apton ağ libası ilə diqqət cəlb edib. Ulduz mərasimdən sonra təşkil edilən partidə də iştirak edib. Apton gecə ərzində DJ kürsüsünə keçərək dəvətlilər üçün sevdiyi mahnıları da ifa edib.

 

Sahilə Aslanova

 

Muz-Tv.az