Tuğba Əkinçi Rəqsanənin mahnısına çəkdirdiyi klipini təqdim etdi

Türkiyəli müğənni Tuğba Əkinçinin Bakıda çəkilən klipi təqdim olunub. Axşam.az-ın məlumatına görə, müğənni Rəqsanə İsmayılovanın “İnanımmı” adlı 

    Türkiyəli müğənni Tuğba Əkinçinin Bakıda çəkilən klipi təqdim olunub. Axşam.az-ın məlumatına görə, müğənni Rəqsanə İsmayılovanın “İnanımmı” adlı mahnısına çəkilən ekran işinin rejissoru Zöhrab Ağayevdir. İstanbula yola düşən Zorik klipi Tuğbaya təhvil verməyə getdiyini bildirib: “İstanbula Tuğbanın klipini və onun üçün hazırladığım DVD-ni təqdim etməyə getdim. Bu, Azərbaycanın uğurudur. Şou-biznes nümayəndələrinin Türkiyəyə getdiyi ərəfədə oradakı müğənnilərdən birinin Azərbaycanla işbirliyi mənim üçün böyük şərəfdir. Bir türk müğənnisinə klip çəkmək hələ buradakı rejissorlardan heç kimə nəsib olmayıb. Buna ilk dəfə mən nail oldum. Bu uğurumun davamlı olacağına söz verirəm”.

    Müğənni Niyam Salaminin avtomobilini soyublar. Hadisə martın 14-də baş verib. Salami bildirib ki, oğrular maşının şüşəsini sındıraraq sənətçinin disklərini götürüb: “Hadisə dünən restoranın qarşısında olub. Bu, oğurluq yox, mənə qarşı qəsddir. Çünki maşınımda iki bahalı telefonum var idi. Ona əl vurmayıblar. Ancaq mini disklərimi götürüblər. Bütün çörəyimi əlimdən alıblar. Avtomobilin arxa şüşəsini sındırıblar. Kimin mənimlə düşmənçiliyi var, bilmirəm. Polisə şikayət etdim, məni ələ salır ki, bir diskdir də. Başa düşmürlər ki, mən o disklə pul qazanıram. Heç kimə pislik etməmişəm, əziyyətlə pul qazanıram. Son vaxtlar müğənnilərə qarşı bu cür hərəkətlər edilir. Həmkarlarıma deyirəm ki, diqqətli olsunlar”.

    Müğənni Miri Yusif həyat yoldaşı ilə fotosunu yayımlayıb. Sənətçi xanımı Nərgizlə çəkdirdiyi şəklini İnstaqram səhifəsində paylaşıb. Qeyd edək ki, Mir Yusif və Nərgiz cütlüyünün iki övladı var.

 

Sahilə Aslanova

 

Muz-Tv.az