Dəmət Akalın heyranlarını qəzəbləndirdi

Qızı Hiraya sadəcə bir həftə ana südü verə bilən Dəmət Akalın övladının qırxı çıxandan sonra paylaşdığı şəkillə etirazlara səbəb olub. 

    Qızı Hiraya sadəcə bir həftə ana südü verə bilən Dəmət Akalın övladının qırxı çıxandan sonra paylaşdığı şəkillə etirazlara səbəb olub. 41 yaşlı müğənninin doğuşdan sonra artıq çəkisindən sadəcə bir ayda qurtulması səs-küy yaratmışdı. Sənətçinin İnstaqramda içki içərkən çəkdirdiyi şəkli paylaşması isə bu etirazları daha da gücləndirib. “Ana südü vermirəm. 40-cı günün şərəfinə bir pivə olar” – yazan Dəmət heyranlarının qəzəbi ilə üzləşib. Ana olmaq üçün illərlə gözləyən Akalının bu şəklinə təxminən 2 min şərh yazılıb.

    Aktyor Ceki Çan cənubi koreyalı “JJCC” pop-qrupunun meneceri olub. Kollektivin debüt albomu 2014-cü il martın 24-də çıxacaq. “Jackie Chan Group South Korea” kompaniyasının təmsilçisinin sözlərinə görə, gələcəkdə qrup ulduzlar birlikdə filmə də çəkilə bilər. Xatırladaq ki, usta aktyor kimi tanınan Ceki Çan özü də 1984-cü ildən müğənnilik edir və ulduzun bir neçə albomu da mövcuddur.

    Hollivud ulduzları Holli Berri və Olivye Martinesin ailə həyatı təhlükədədir. Cütlüyün hər yerdə dalaşdığı və birlikdə çıxmadığı diqqətdən yayınmayıb. Ulduzların 2013-cü ilin yayında evlənmələrinə baxmayaraq, daim mübahisə etdikləri bildirilir. Övladlarının dünyaya gəlməsi də cütlüyün problemlərini həll etməyib. Hollinin “Oskar” mükafatlandırma mərasiminə həyat yoldaşı olmadan və barmağında nişan üzüyü taxmadan gəlməsi şübhələri daha da artırıb.

    Gözəlliyi ilə bir çox qadının həsəd obyektinə çevrilən Cennifer Lopez Los Ancelesdəki CBS studiyasının qarşısında baxımsız görünüşü ilə diqqət çəkib. Qısa top kofta, idman şalvarı və makiyajsız halı ilə ulduz heyranlarını məyus edib. Xatırladaq ki, Cennifer Lopez bu yaxınlarda “I Luh Ya Papi” adlı mahnısına çəkilən yeni klipini təqdim edib.

 

Sahilə Aslanova

 

Muz-Tv.az