Azərbaycanı “Avroviziya” mahnı müsabiqəsində bu mahnı təmsil edəcək

Azərbaycanı bu il “Avroviziya” mahnı müsabiqəsində təmsil edəcək mahnı təyin olundu. Dilarə Kazımova yarışmada “Start a Fire” kompozisiyası ilə yarışacaq. 

    Azərbaycanı bu il “Avroviziya” mahnı müsabiqəsində təmsil edəcək mahnı təyin olundu. Dilarə Kazımova yarışmada “Start a Fire” kompozisiyası ilə yarışacaq. Sözügedən əsər mayın 6-da Danimarkanın paytaxtı Kopenhagendə keçiriləcək birinci yarım finalda səslənəcək. Dilarənin sözlərinə görə, mahnı güclü, eyni zamanda yaralı qadının tövbəsidir. Qeyd edək ki, “Start a Fire” kompozisiyası Yohann Kronland, Alessandro Quthard və Stefan Orn tərəfindən ərsəyə gətirilib.

    “Bu şəhərdə” yumoristik layihəsinin ulduzu Coşqun Rəhimov xəstəxanaya yerləşdirilib. Xəbər verildiyi kimi, üç gün əvvəl növbəti konsert buraxılışından sonra Heydər Əliyev Sarayına təcili tibbi yardım komandası çağırılıb. Məşhur aktyor Mərkəzi klinikaya yerləşdirilib. Coşqunun nasazlığının səbəbi həddən artıq yorulması olub. “Bu şəhərdə” kollektivinin üzvü növbəti gün konsertdə iştirak edib. Xatırladaq ki, 2010-cu ildə aktyor xərçəng xəstəliyi diaqnozu ilə Türkiyədə əməliyyat olunmuşdu.

    Müğənni Röya Ayxan həmkarı Ramal İsrafilovun ünvanına sərt sözlər deyib.  Axşam.az-ın məlumatına görə, sənətçinin “Mustafa Cecelinin konsertində “Gizli sevgi” mahnısını mənlə birgə oxuyacaqdı. Amma Röya səhnədə heç adımı da çəkmədi. O mahnını Röyaya verəndə qonorar almamışdım” sözlərinə qarşı tərəfdən cavab gəlib:“O, nə vaxt böyüyüb salam verməyi bacarar, arxasına dönəndə hamını düzgün olaraq görər, onda sorğu-sual aparar. Balaca uşaq məni sorğu-sual edə bilməz. Bəstəkar hər zaman müğənni ilə yaxşı münasibətdə olmalıdır. Müğənni səhlənkarlıq edə bilər: studiyada vaxt götürüb gəlməyə bilər, efirdə adını çəkməyə bilər. Yenə də qaydasına baxsan, bəstəkara sən lazımsan. Adıçəkilən dostumuz məndən çox pul qazanıb. Əgər ağıllı oğlandırsa, gələcəyi düşünürsə, indidən desin ki, çox qazancı olub. Bu haqda danışmaq ayıbdır. Mahnının üstündən 3 il keçib. Başa düşmürəm, nə baş verir”.

   Müğənni Azəri Günel Zeynalova yeni fotosessiya etdirib. Sənətçi yeni şəkillərinin klip çəkilişi zamanı lentə alındığını bildirib. Albom çıxarmağa hazırlaşan Günel yaxın günlərdə yeniliklərini təqdim edəcək.

 

Sahilə Aslanova

 

Muz-Tv.az