“Minik sərçə” əməliyyat olunacaq

Türkiyəli müğənni Sezen Aksu əməliyyat olunmağa hazırlaşır.  Sənətkarın bağırsağından əməliyyat keçirəcəyi bildirilir. 

    Türkiyəli müğənni Sezen Aksu əməliyyat olunmağa hazırlaşır.  Sənətkarın bağırsağından əməliyyat keçirəcəyi bildirilir. Müğənni  bunun üçün Türkiyədəki Amerikan xəstəxanasını seçib. Xəstəliyin diaqnozunu təyin edən həkim Sezen Aksunu müalicə olmaq üçün razı sala bilib. “Onsuz da balaca bir qadınam. Bu qədər uzun bağırsağın məndə nə işi var? Nə desəniz, razıyam” söyləyən Sezen Aksu pərəstişkarlarından da böyük dəstək alıb.  Xatırladaq ki, Sezen Aksu 4 il əvvəl də əməliyyat keçirmişdi.

    Aktrisalar Cennifer Eniston və Ancelina Coli arasındakı soyuq münasibət davam edir. Bred Pittin keçmiş həyat yoldaşı Cennifer Eniston hər fürsətdə Ancelinanı bəyənmədiyini ifadə edir. Həyatının bilinməyən tərəflərini etiraf etdiyi bir kitab yazan Eniston orada Coli haqda fikirlərə də yer ayırıb: “Ancelina Coli şəxsi həyatındakı səhv addımları ilə imicini çox zədələdi. BMT-nin səfiri olması, mühüm layihələrdə yer alması, saxta fəaliyyəti, hətta övladlığa götürdüyü uşaqlar belə onun bu imicini bərpa etməyə kömək etmədi. Yaxşı insan deyil, pisdir. Mələk kimi görünərək gözdən pərdə asmağa çalışır”.

     Türkiyəli məşhur şoumen, TV8-in sahibi Acun Ilıcalının 5-ci övladı dünyaya gələ bilər. Teleaparıcının nikahdankənar münasibətdə olduğu Şeyma Subaşı buna işarə vurub.  O, İnstaqram səhifəsində qızının köhnə geyimlərini istəyən izləyicisinə belə cavab verib: "Bağışlayın, amma ikinci övladımın qız, yoxsa oğlan olacağını bilmədiyim üçün bütün paltarları saxlayıram, heç kimə verə bilmirəm". Qeyd edək ki, Acunun ilk evliliyindən Banu, 2003-cü ildən bəri evli olduğu Zeynəb Ilıcalıdan Leyla və Yasəmən, Şeyma Subaşından isə Melisa adlı qızı var.

     Culiya Robert və Riçard Girin baş rollarını ifa etdiyi "Gözəlçə" filmi Brodveydə nümayiş olunacaq. Tamaşa üzərində filmin rejissoru Harri Marşalla kinoprodüser Pola Vaqner çalışacaq. Məhz bu romantik komediya Robertsə böyük məşhurluq gətirib. Hazırda Nyu-Yorkda olan Harri Marşall yeni tamaşayla bağlı danışıqlar aparır. Müziklın sözlərini Marşalla birgə "Gözəlçə" filminin ssenaristi Louton yazacaq. Lakin layihədə iştirak edəcək mahnı müəllifləri və bəstəkarlar barədə məlumat verilmir.

 

Sahilə Aslanova

 

Muz-Tv.az