Emin Ağalarov bayramı övladları ilə keçirir

Bəstəkar-ifaçı Emin Ağalarov Bakıya gəlib. Axşam.az-ın məlumatına görə, ifaçı oğlanları ilə birlikdə "Şüvəlan Park" istirahət mərkəzinə yollanıb.

    Bəstəkar-ifaçı Emin Ağalarov Bakıya gəlib. Axşam.az-ın məlumatına görə, ifaçı oğlanları ilə birlikdə "Şüvəlan Park" istirahət mərkəzinə yollanıb. Ötən gününü övladları Mikayıl və Əli ilə keçirən Emin fotolarını sosial şəbəkədə paylaşıb.

    Xalq artisti Aygün Kazımova özünə qadağalar qoyub. Müğənni bu haqda açıqlamasında deyib: “Mənə yalnız özüm qadağa qoya bilərəm. İndi isə qadağalarım lap çoxalıb. Bunlar yatmağım, yeməyim, istirahətimlə bağlıdır. Onlara sərf etdiyim vaxtımı sənətimə həsr edirəm. İşlərimlə məşğulam. Yaxın günlərdə görəcəksiniz”.

    Müğənni Ayan Babakişiyeva Novruz bayramına xüsusi hazırlaşır. Sənətçi qızı Selenanın ilk bayramını təmtəraqlı şəkildə qeyd edəcəyini bildirib: “Hələ qızımın 40 günü tamam olmayıb. Onun ilk milli bayramı olan Novruzu daha təmtəraqlı şəkildə qeyd edəcəyik. Selena bu bayramda bizə hədiyyə oldu. Bütün gün yeyir yatır. Hələ dünyanın bütün pisliklərindən xəbərsizdir. Çox xoşbəxtik. Hansı evdə körpə varsa, ora cənnətdir. Biz də Selena ilə birlikdə cənnətdə yaşayırıq”.  Qeyd edək ki, Ayan Füzuli Musayevlə ailə həyatı qurub.

    Müğənni Könül Kərimova Novruz bayramını ailəsindən ayrı keçirəcək. Sənətçi martın 20-də Almaniyaya yola düşəcək. O, Köln şəhərində konsert verəcək: “Orada yaşayan azərbycanlılar üçün Novruz bayramı müasibətilə gözəl konsert təşkil olunub. Məni də dəvət etdilər. Səviyyəli bir məclis olacaq”. Qeyd edək ki, konsertdə əməkdar artist Abbas Bağırov, müğənni Elton Hüseynəliyev və Sevda Yahyayeva da iştirak edəcək.

    “Avroviziya” təmsilçimiz Səbinə Babayeva ötən gününü iməciliyə sərf edib. Müğənni bütün gün ağac əkməklə məşğul olub. Səbinə fotolarını İnstaqram səhifəsində paylaşaraq aşağıdakı sözləri qeyd edib: “Bağı çox sevirəm və bu günü ağac əkərək keçirdim”.

 

Sahilə Aslanova

 

Muz-Tv.az