Könül Kərimova: “Əsl dünya ulduzlarını xatırladan simadayam”

Müğənni Könül Kərimova “Dil açarmı” adlı mahnıya çəkdirdiyi klipini təqdim edib.

     Müğənni Könül Kərimova “Dil açarmı” adlı mahnıya çəkdirdiyi klipini təqdim edib.  Axşam.az-ın məlumatına görə, sözləri şairə Gövhərə, musiqisi Cabbar Musayevə aid olan mahnının ekran işini Gülər Həsənli ərsəyə gətirib. K.Kərimova klipdə fərqli obraz yaratdığını bildirib: “Gülər Həsənli aparıcı, şoumen Kamran Həsənlinin bacısıdır. Bir vaxtlar gözəl kliplər ərsəyə gətirirdi. Uzun müddətdir bu sahədən uzaqlaşmışdı. Onunla maraqlı işbirliyi etdik. Klipdə tam fərqli obrazdayam. Hələ heç kim Könülü belə görməyib. Əsl dünya ulduzlarını xatırladan simadayam”.

     Müğənni Samirə Allahverdiyeva “Satar səni” adlı yeni mahnısını təqdim edib. Sözləri millət vəkili Qənirə Paşayevaya aid olan mahnının musiqisini əməkdar artist Tünzalə Ağayeva bəstələyib. Sənətçi bir müddətdir radiolarda səsləndirilən bəstəni sosial şəbəkələrdə yenicə yayıb.

     Ötən gün Əmək və Əhalinin Sosial Müdafiəsi Nazirliyi Novruz bayramı münasibəti ilə konsert keçirib. Konsert proqramında müğənni Rəqsanə İsmayılova və rəqqasə Fatimə Fətəliyeva da iştirak edib. Sənətçilər birlikdə rəqs ediblər. Fatimə Rəqsanəyə milli rəqs öyrədib. 

     Müğənni Vasif Məhərrəmli İnstaqram səhifəsində yeni fotolarını yayımlayıb. Ifaçı şəkilləri hovuzda dincələrkən çəkdirib. Qeyd edək ki, V. Məhərrəmli hazırda Moskvadadır. Sənətçi dünən orada yaşayan azərbaycanlılar üçün konsert verib.

 

Sevda Məmmədova

 

Muz-Tv.az