Məşhur rusiyalı repçi yenidən Bakıda konsert verəcək

Rusiyalı repçi Timati Azərbaycanda konsert verməyə hazırlaşır. 1news.az-ın məlumatına görə, ulduzun növbəti konserti isə mayın 17-də baş tutacaq. 

   Rusiyalı repçi Timati Azərbaycanda konsert verməyə hazırlaşır. 1news.az-ın məlumatına görə, ulduzun növbəti konserti isə mayın 17-də baş tutacaq. Daim qalmaqalları ilə gündəmdə olmağı bacaran sənətçi axırıncı dəfə keçən ilin yayında paytaxtda konsert vermişdi. Tədbir KKM Production tərəfindən təşkil edilib. Xatırladaq ki, Timati keçən həftə martın 19-da ata olub.

   Məşhur ifaçı-bəstəkar Emin Ağalarov da Bakıda konsert verəcək. Axşam.az xəbər verir ki, o, iyulun 17-də sevənlərinin qarşısına çıxacaq. 

Yaşıl teatrda konsert proqramı ilə çıxış etməyi düşünən Ağalarov ötən ilki çıxışdan daha fərqli sürprizlər hazırlayacağını deyib. İfaçı gecədə ən sevilən mahnıları ilə yanaşı, yeni bəstələrini də səsləndirəcək.

   Müğənni Sevda Yahyayeva heç vaxt plastik əməliyyat keçirtmədiyini deyib.  Sənətçi gələcəkdə plastik əməliyyata müraciət edə biləcəyini də gizlətməyib: “Çox vaxt deyirlər ki, Sevda yanaqlarına silikon etdirib. Heç kimi inandıra bilmirəm ki, plastik əməliyyata müraciət etməmişəm.  Amma lazım gələrsə,  mən də bıçaq altına yataram. Qadın hər zaman baxımlı görünməlidir. Yaşlananda ehtiyac olsa, plastik əməliyyat etdirəcəm”.

   Müğənni Samir Piriyev və repçi Qurd duet oxuyub. Sənətçilər “Tı vlyublen” adlı mahnı səsləndirib. Layihənin rəhbəri Samirin prodüseri Anar Mədətovdur.

 

 

Sahilə Aslanova

 

Muz-Tv.az