Stas Mixaylov bakılılara əsl musiqi ziyafəti yaşadacaq

Mayın 2-si və 4-də paytaxt sakinləri daha bir əcnəbi qonağın konsertindən zövq ala biləcək.

    Mayın 2-si və 4-də paytaxt sakinləri daha bir əcnəbi qonağın konsertindən zövq ala biləcək. Belə ki,  Rusiya estradasının populyar müğənnisi Stas Mixaylov Heydər Əliyev Sarayında “Joker” adlı möhtəşəm solo-konsertilə çıxış edəcək.

   1997-ci ildən fəal musiqi faəliyyətinə başlayan Stas Mixaylovun bir-birinin ardınca bəstələdiyi və ifa etdiyi mahnıların hamısı xitə çevrilir. Rusiya şou-biznesinin gündəmində qalmağı bacaran, həmişə arzu edilən sənətçi olan Stas Mixaylov Azərbaycanda da çox sevilir.

   Xüsusilə qadınların sevimlisi olan bəstəkar-müğənni səhnə obrazına və ifa tərzinə görə tez-tez Müslüm Maqomayevlə də müqayisə edilir. Ölkəmizdə də konsert proqramı ilə çıxış etməyə hazırlaşan Stas Mixaylovun repertuarında məşhur hitləri ilə yanaşı, yeni mahnılar da yer alacaq. Hər bir bəstə yüksək keyfiyyətli, ustalıqla hazırlanmış animasiya filmləri və videoçarxlarla müşayiət edəcək.

   Müasir işıq və səs texnikası ilə təchiz olunmuş, yüksək peşəkarlıq qabiliyyətinə malik musiqiçilərin və bek-vokalın müşayiəti ilə keçəcək təkrarsız konsert proqramı tamaşaçıları səhnədə baş verənlərə biganə qalmağa qoymayacaq.

   Heç şübhəsiz, Stas Mixaylovun Heydər Əliyev Sarayında keçiriləcək “Joker” adlı  solo konserti Azərbaycanın musiqi və şou-biznes həyatında əsl hadisəyə çevriləcək. Əgər bu unudulmaz gecəyə qatılmaq istəyirsinizsə, biletləri şəhərin kassalarından , 30 AZN-dən başlayaraq əldə edə bilərsiniz.

 

Sahilə Aslanova

 

Muz-Tv.az