Bu da Tarkanın yeni avtomobili

Türkiyəli meqastar Tarkan fotokameralara tuş gəlib. Ətraf mühitin qorunmasına üstünlük verən müğənninin “Hybrid” avtomobili diqqət çəkib.

   Türkiyəli meqastar Tarkan fotokameralara tuş gəlib. Ətraf mühitin qorunmasına üstünlük verən müğənninin “Hybrid” avtomobili diqqət çəkib. Jurnalistləri qarşısında görən Tarkan “Necə görünürəm?” sualını ünvanlayıb.  Daha sonra isə o, köməkçiləri ilə birlikdə studiyaya daxil olub.

   “Mrs Carter” adlı albomu çərçivəsində dünya turnesinə çıxan Beyons son konsertini Qlasqouda verib. “Qremmi” mükafatlandırma mərasimindəki performansında xeyli arıqladığı görülən ulduzun buna baxmayaraq, dolu bədən formasını hələ də qoruduğu diqqətdən yayınmayıb.  Beyons səhnədə dəfələrlə geyim dəyişdirərək heyranlarının zövqünü oxşayıb. Ulduzun fanatları havanın yağmurlu olmasına baxmayaraq, bilet üçün uzun müddət növbədə gözləyiblər.

     Hollivud ulduzu Dru Berrimor qatıldığı bir festivalda geyindiyi libasla hər kəsi şok edib. Belə ki, aktrisa qırmızı xalıya gecə paltarında çıxıb. Bu libas tezliklə ana olmağa hazırlaşan Drunun bədən quruluşunu vurğulayıb. Ulduzu tənqid etmələrinə baxmayaraq, aktrisa özünü çox rahat hiss etdiyini və heç bir mənfi fikri qəbul etmədiyini söyləyib.

     Keyt Uinslet villasını uğursuz təmirdən sonra satmaq qərarına gəlib. Buna səbəb, əyalətin memarlar birliyinin aktrisanın 15-ci əsrə aid malikanədə hasar tikmək istəməsinə etiraz etmələri olub. Nəticədə Keyt mülkü 3.8 milyon dollara satmaq qərarına gəlib.

 

Sahilə Aslanova

 

Muz-Tv.az