Sevda və Elton konsert verəcək

Öz yeniliklərindən danışan müğənni Sevda Yahyayeva turneyə hazırlaşdığını deyib. O, Azərbaycanın on ən gözəl bölgəsində konsert verəcəyini bildirib...

    Öz yeniliklərindən danışan müğənni Sevda Yahyayeva turneyə hazırlaşdığını deyib. O, Azərbaycanın on ən gözəl bölgəsində konsert verəcəyini bildirib: “Bu bölgələr arasında Gəncə, Mingəçevir, Lənkəran və Quba da yer alır. Konserti Elton Hüseynəliyevlə birlikdə verəcəyik. Turnedə bizi canlı ansambl və rəqqaslar müşayiət edəcək”.Sevda həmçinin deyib ki, həmkarı Elçin Cəfərovun yeni bəstəsini oxuyacaq. Sənətçi onun məzəli bir mahnı olduğunu vurğulayıb.

    Rəqqasə və müğənni Sevda Sanəliyeva bu günlərdə Türkiyədən qayıdıb. Axşam.az-ın məlumatına görə sənətçi deyib ki, qardaş ölkəyə  səhhəti ilə bağlı yollanıb. Belə ki, Sevda orada əməliyyat olunub:“Yaradıcılıq işlərimi Türkiyədə etməyə çalışıram. Buna görə də tez-tez gedib-gəlirəm. Bu dəfə isə səhhətimlə bağlı yollanmışdım. Orada əməliyyat olundum. Bakıya yenicə qayıtmışam. Hazırda özümü yaxşı hiss edirəm. Həkimlər hər şeyin qaydasında olduğunu dedi. Xəstəliyimin nə olduğunu isə açıqlamaq istəmirəm”.

    Müğənni Elton Hüseynəliyev uzun müddətdir yeni mahnılar oxumamağının səbəbini açıqlayıb: “Uzun müddətdir ki, yeni mahnılar təqdim etmirəm. Çünki oxuyacağım bəstənin hit olmasını istəyirəm. Belə bir mahnı qarşıma çıxmadığı üçün sənətimdə durğunluqdur. Amma indi bir neçə yeni bəstə almışam. Hazırda üzərində çalışıram. Onlardan birinin musiqisi Elçin Cəfərova, sözləri Azər Şirinə məxsusdur. Bu bəstə hit olacaq”.

    Müğənni Xəyyam Nisanov İsrailə yola düşüb.  Tel-Əvivdə gəzintiyə çıxan sənətçi fotolarını İnstaqram səhifəsində paylaşıb.

 

 

Fuad Oqtayoğlu

 

Muz-Tv.az