Ancelina Coli göz yaşlarını saxlaya bilmədi

Dünyaca məşhur amerikalı aktrisa Ancelina Coli və İngiltərə xarici işlər naziri Uilyam Haqe Srebrenitsa şəhərində yerləşən Potoçari məzarlığını ziyarət edib. 

    Dünyaca məşhur amerikalı aktrisa Ancelina Coli və İngiltərə xarici işlər naziri Uilyam Haqe Srebrenitsa şəhərində yerləşən Potoçari məzarlığını ziyarət edib. Colinin səfər zamanı göz yaşlarını saxlaya bilməməsi diqqətdən yayınmayıb. Daha sonra aktrisa və nazir müharibədə zərər görən analarla görüşüblər.

    İdman salonunda tanış olduğu Bədri Güntaş ilə sevgi münasibətləri quran  aktrisa Pelin Karahan: “Boşanmamın üzərindən dörd ay keçib. Tənqidlər vecimə deyil” –deyib . Evliliklə bağlı suala isə: “Təbii ki, evlənəcəyəm. Ailə qurmaq və uşaq sahibi olmaq istəyirəm” – deyə bildirib.

    Yaraşıqlılığı ilə bir dövrə damğasını vuran aktyor Riçard Gir yeni filmi “Time Out of Mind”-da evsiz bir adamı canlandırıb. 65 yaşlı ulduz Manhettendəki çəkilişlər zamanı kameralara tuş gəlib. Görənlərin ilk anda tanımaqda çətinlik çəkdiyi Gir geyimi və davranışları ilə əsl “evsizə” bənzəyib. Riçard Gir və həmkarı Ben Verin fasilələrdə gəlib-gedənlərin maraqlı baxışları ilə üzləşib.

     Martın 28-də Berlində “Echo Awards” musiqi mükafatlarının təqdimetmə mərasimi keçirilib. Tədbirdə Ceyms Blant, Şakira, Kayli Minoq kimi məşhur simalar da iştirak edib. Son zamanlar mətbuatın gündəmindən düşməyən Şakira gecənin ən diqqətçəkən simalarından olub. Yeni albomunu orada nümayiş etdirən ifaçı qırmızı xalıda gəzərkən hər kəsə öpüş göndərib. Cazibədar bədən quruluşu ilə göz qamaşdıran Şakira gecənin ən dəbli müğənnisi seçilib.

Sahilə Aslanova

Muz-Tv.az