Nigar Camalı polis saxladı

“Avroviziya 2011”in qalibi Nigar Camalı polis saxlayıb. Londonda yaşayan ifaçı yol hərəkət qaydalarını pozub. 

    “Avroviziya 2011”in qalibi Nigar Camalı polis saxlayıb. Londonda yaşayan ifaçı yol hərəkət qaydalarını pozub. Bu haqda sosial şəbəkədə yazan Nigar vəziyyətdən müğənnilik peşəsi sayəsində çıxdığını bildirib: “Bu gün polis saxladı. Məni tanıyandan sonra bir şəkil çəkdirmək istədi. Cərimə etmədən buraxdılar. Halbuki yüngül qayda pozuntusu etmişdim”.

     Müğənni İlhamə Qasımova üzərində uzun müddət çalışdığı “Səni sevirəm” adlı mahnısını təqdim edib. Axşam.az-ın məlumatına görə, mahnının sözləri türk dilində yazılsa da, həm sözlər, həm də musiqi Murad Arifə məxsusdur və “Seni seviyorum” adlanır. İlhamə repertuarına ilk dəfə türk üslubunda mahnı daxil etdiyini bildirib.

     Müğənni Ayan Babakişiyeva həyat yoldaşı, Azərbaycan Taekvando Federasiyasının 1-ci vitse-prezidenti Füzuli Musayevlə yeni fotosunu paylaşıb. Qeyd edək ki, cütlüyün Selena adlı qız övladı var.

     Şoumen Murad Dadaşovun şirniyyat mağazasını yarıblar.  Onun sözlərinə görə, hadisə gecə saatlarında baş verib və hər bir şey addımbaaddım kameralarda əks olunub."Mən elə özüm də hadisə barədə səhər xəbər tutmuşam. Səbail rayonu 9-cu bölmə ilə əlaqə qurduq, sağ olsunlar, nə yardım lazımdırsa, hamısını görüblər. Videoyazıda görünür ki, azyaşlı bir oğlan mağazanın şüşəsini sındıraraq içəri daxil olur. Xoşbəxtlikdən, çox ziyan dəyməyib. Sadəcə, bir mobil telefon aparılıb, vəssalam".

 

Sərvər Mehdiyev

 

Muz-Tv.az