Emin Ağalarov “Rusiyanın ən zövqlü kişisi” seçilə bilər

“Hello” dərgisinin keçirdiyi “Rusiyanın ən zövqlü kişisi -2014” müsabiqəsinin finalçıları bəlli olub.  

     “Hello” dərgisinin keçirdiyi “Rusiyanın ən zövqlü kişisi -2014” müsabiqəsinin finalçıları bəlli olub.  Axşam.az-ın məlumatına görə, 20 məşhur arasından ifaçı-bəstəkar Emin Ağalarov, Dima Bilan, Filipp Kirkorov, aktyor Danila Kozlovski, Petr Fedorov və aparıcı İvan Urqant finalçılar sırasına yüksəlib. \"Ən dəbli kişi\"nin adına internet vasitəsilə aparılan sorğu nəticəsində aydınlıq gələcək. Sorğunun bu dəqiqəyə olan yekununa əsasən 55% səs üstünlüyü ilə Dima Bilan ilk pillədədir. Emin Ağalarov isə müvafiq olaraq dördüncü yerdə qərarlaşıb.  Qeyd edək ki, qalibin adı aprelin 21-də baş tutacaq təmtəraqlı gecədə bəlli olacaq.

      Xalq artisti Məleykə Əsədova İnstaqram səhifəsində qızı Gülərlə birlikdə çəkdirdiyi fotoları paylaşıb. Novruz bayramını İstanbulda keçirən aktrisa övladı ilə piknikə yollanıb. “Qızımın bayram tətilini İstanbulda keçirdik. Çox gözəl dincəldik” deyən Məleykə Əsədova istirahətdən razı qaldığını bildirib.

      Bu il Kopenhagendə keçiriləcək “Eurovision-2014” Mahnı müsabiqəsində Azərbaycanı təmsil edəcək müğənni Dilarə Kazımova Ukraynanın məşhur “Ukraynanın səsi” müsabiqəsində iştirak edib. Aktual.az-ın məlumatına görə, ifaçı ukrayna dilində \"Без бою\" mahnısını ifa edib və mahnının müəllifi Svyatoslav Vakarcukun komandasında yer alıb. Qeyd edək ki, Dilarə Kazımova mayın 6-da Danimarkada keçiriləcək “Eurovision-2014” mahnı müsabiqəsində ölkəmizi “Start a fire” mahnısı ilə təmsil edəcək.

      Dünyaca məşhur müğənni Mark Entoninin mayda Bakıda keçirilməli olan konserti  baş tutmayacaq.  Gecənin hansı səbəblə təxirə salındığı hələlik bəlli deyil. Qeyd edək ki, Mark Entoni dünya turu çərçivəsində mayın 23-də \"Baku Crystal Hall\"da konsert verməli idi. Konsertin biletləri artıq satışa çıxarılmışdı.

 

Sahilə Aslanova

 

Muz-Tv.az