Niyam Salami Röya ilə münasibətlərinə aydınlıq gətirdi

Müğənni Niyam Səlami Röya ilə aralarında olan küsülülüyə aydınlıq gətirib. Axşam.az-ın məlumatına görə, sənətçi: “Röya ilə ciddi davamız olmayıb. 

   Müğənni Niyam Səlami Röya ilə aralarında olan küsülülüyə aydınlıq gətirib. Axşam.az-ın məlumatına görə, sənətçi: “Röya ilə ciddi davamız olmayıb. İnciklik var, indi danışmırıq. Röyaya nə salam verirəm, nə də salamını alıram. Bəziləri deyir ki, guya mən Aygün Kazımova ilə yaxın olduğum üçün Röya məndən inciyib. Amma bu, yalandır. Heç bir müğənni məni sığortalamayıb. Röya da deyə bilməz ki, sən mənlə dostsan, heç kimlə salamlaşma. Hər bir dost arasında belə inciklik ola bilər. Ailədə də söz-söhbətlər yaşanır. Tezliklə münasibətimiz yoluna düşəcək”.

   Əməkdar artist Sevda Ələkbərzadə bir müddət öncə Birləşmiş Ərəb Əmirliklərinə yollanıb. Müğənninin səfərinin məqsədi yeni işıq üzü görəcək diski olub. O, sözügedən albomun Dubayda hazırlandığını bildirib. Sənətçi səsyazmanın Bakı və Gürcüstanda edildiyini deyib:  “Albom Dubayda hazırlanır. Bu, Azərbaycan musiqi aləmində bir yenilik olacaq”.

   Müğənni Günay İbrahimli bəstəkar Ramal İsrafilovun müəllifi olduğu “Biletini alma” mahnısından danışıb. Sənətçi Ramalın “Mahnını Günay üçün yazmışdım. Amma qonorara görə oxumadı” sözlərinə cavab verib.  O deyib ki, bəstəni xalq artisti Aygün Kazımovanın ifasında eşidəndə ağlayıb: “Biletini alma" sifarişlə yazılmamışdı. Ramal zəng etdi ki, belə mahnı var, səni hiss edib yazmışam. Görüşdük, maşında qulaq asdım və ilk dəfədən oxudum. Sözləri hazır formada kağızda idi. O dərəcədə xoşuma gəldi ki, gözlərim dolmuşdu. Qiymət baxımdan razılaşmadıq. Ramal bahalı bəstəkardı, gücüm çatmadı. Mahnını Aygün Kazımovanın oxuduğunu bilmirdim. Düşünürdüm ki, hələ bəstə heç kimə verilməyib. Bir gün gözləmədiyim halda Aygün xanımın ifasında mahnını eşitdim. Bəstə o qədər doğma idi ki, ona qulaq asanda ağladım”.

   Əməkdar artist Aybəniz Haşımova yaradıcılıq işlərindən söz açıb. Lent.az-ın məlumatına görə, müğənni gənc ifaçı Vəli Səfərovla ifa etdiyi “İntizar nəğməsi” adlı mahnısına klip çəkdirir: “Sözləri Südabə Şəfaya, musiqisi Nüşabə Muradovaya məxsus olan bəstənin klip on beş günə hazır olacaq”.  Haşımova sonra qızı Aynişan Quliyevanın yaradıcılığından da danışıb: “Biz çəkdirdiyimiz klip başa çatdıqdan sonra Aynişanın ifa etdiyi, musiqisi dahi bəstəkar Oqtay Kazimiyə, sözləri millət vəkili Qənirə Paşayevaya məxsus “Ağla mənim üçün, bu şəhər və sən” mahnısına klip çəkiləcək. Klipin quruluşunu isə Ramin Asimoğlu verəcək”.

 

Sahilə Aslanova

 

Muz-Tv.az